Rusiyə təyyorəon vədə Azərbaycan Respublika osmon dəbastə bəy.
Azərbaycan Respublika bəzi mediaon tojədən elan kardışone ki Rusiyə təyyorəon vədə Azərbaycan Respublika osmon dəbastə bəy.
Bə Fars aqentiyəti raporti əsos, Azərbaycan Taymz nomo rujnomə de ın xəbə elami iddioş karde ki Tırkiyə ğəroli bəpeşt Boku dıvlət həm çı Rusiyə təyyorəon vədə ıştə osmoni dəbastəy və həni bə urusə təyyorəon çı Azərbaycan Respublika həvoku dəvarde icozə nibədoy.
In Rujnomə iddioş karde ki ın ğərorl Bə Erməniston urusə hərbi təchizot və koməkon vığandey vəy qətero əncom bıə.
Tosə bə ısət hiçcurnə rəsmi nəzə həminə ğəroli barədə ğeyd bəni.
Çimibənav, İlham Əliyev iddioş kardə be ki Ğərəboği 2 minnə canqi cərəyonədə Ermənistan de Ğəzoxıston iyən Tırkəmənistoni koməki Rusiyəku siloh və hərbi təchizotonku istifodə kardışbe.
Miladi 2020 minnə sori Oktiyabrə manqədə Azərbaycan Respublika vey hevuj iyən həmmə tərəfinə əməliyati bo Ğərəboği məntəğəku Ermənion xaric karde və işğal bıə ərazi ozodəti xoto bino kardışone.
Azərbaycan Respublika 44 ruj canqi bəpeşt muvəffəğ bıə təğribən 3500 kilomiter çı Ğərəboği ərazi əcumlə 132 kilomiter çı İroni sərhəd nezi məntəğon ozod bıkə.
