Əbədiyə ətır de İroni Yolə Rəhbəri erjinə sıhbəton
Əbədiyə ətır
İnsonon bo irtibot və rabitəro ofəyə bıən,dılon həm bəpe de iyande qıləy rabitəşon bıbu,bə iyande məhəbbət nışon bıdon və bə iyande koməq bıkon.insonon bəpe dınyoədə bənə qıləy vohidə bədəni bıbon.əslən bəşər bın cur soxtə bıə,ın cur tədbir vindey bıə.əmmo ımruj şımə nəzəkən,həmməco canq.həmmə co noəmni,həmmə vırədə tars,həmmə vırədə zəlolət və həmməco dılon çe iyandeyku bə diyəroətiye.xıyzonon volo bıən,dəhşət dərəcədə təbəğəon ixtilof,i dastə rifohi dılədən,əmmo iqrup məhrum və beçizin.ımon həmmə bəçəy xotoye ki,bə jimoni sıvolon dırıst cəvob doey bıəni,səhf famey bıə.bın zəmon dınyoədə ın kəc iyən şatə siyosi iyən ixtisodi nizomon ki,bə əməl omən və bəşəriyyət mıbtəlo və dıço bıə.çandə milyard insonon, bə ın vəzyəti mıbtəlo bıən.hətto rifohinə odəmon həm mıbtəlo bıən.jıqo ni ki,əmə voteyədə ki, təbəğəon ixtilof mevcude,yəni əkəs ki,fərzkənən çoko bəvoteyn çe amerkə camiyə i fayiz bə hisob omeydə,xeyli rohət iyən vey çok jimon kardedən.ne,əvon həm ıştə jimonədə bə bədbəxtiyon,girifrorətiyon və bə rufi iyən psixoloji muşkiloton dıço beydən ki,ilah maşaallah. qahi zəmon çe qıləy fəğırə odəmi girifrorətiyonsə ziyodə.yəni bə həmmə girifrorətiyon…
Ehyanə əmə de Ğıroni uns pəydokəmon,bəvədə ın fırsət və məcol pəydo bəkardemon ki, mıxtəlifə təbəğon fiki soybon,çe Ğıroni nuktəon peyo tədəbbır iyən fik-famkon.qıləy çi Ğıroniku istifodəkon,istinbot bıkon,bıfamon iyən bə curbəcurə sıvolon cəvob bıdon.çımı çın sıvolonku bıə ğəsd,şubhəon nin,çımı məğsəd çe jimoni barədəy.jimon kardey.ısət çandə milyon sıvolon çəmə mığobilədə heste.qıləy zəmon ki,iqlə camiyə de qıləy hukuməti ıştə jimoni bəştə ideyalon səmt hərəkət doydə və hərəkət kardedə,ın(camiyə) de çandə həzo sıvolon dimbədime.rabitəon nevonədə,rəftori nevonədə,mevğıyyət vıjniye nevonədə,dışmeni iyən dustiyəti nevonədə,de moli rəftori nevonədə,de dınyo koon rəftori nevonədə,ımon həmmə bəhs bıə sıvolonin.çı qırd ım sıvolon həm cəvobışon heste.bəşəriyyət çe zəloləti dılədə iyən bədbəxt be.bəçəy xotoye ki,çın sıvolon dırıstə cəvobışon pəydo nıkarde.çe dınyo iyən bəşəri ımrujnə bədbəxti,bəçəy xotoye ki, əvon bə dırıstə cəvobon bələd nıbin və nıomuteşone.səhfə cəvobon,inhirofi cəvobon,ro dəqıjnə cəvobon ğəbul kardəşone.bəçəy zehni rəsə,əməlış kardə.(liza) və əve ısət ko bə ın vırə omə rəsə. dınyo qıləy əmniyyətış ni,qıləy səfoş ni,qıləy mənəviyyotış ni,qıləy rufi oromətişon ni.çe camiyə həmmə fərdon dılon de iyande sof nin.ım çe ımrujnə dınyo vəzyəte.həmmə dınyo ıncure….
Imruj əmə bə Ğıroni niyozımon heste.İslomi camiyə iyən İslomi umməti jimoni səhihə ro,bə Ğıroni əməl kardeye.qıləy rəvoyətədə hamyedə:”innə hazəl Ğuranə həblullah-ısət Ğıronədə heste ki,”Və`təsimu bihəblillah vəla təfərrəğu”..ın həblillah həmonə Ğırone.-və huvənnurrul-mubin.çe nuri xosyət çiçe?.nur fəzo ruşin kardedə,bə insoni roy nışon doydə,inson çe vindey ğudrəti pəydo kardedə,bəsirət pəydo kardedə.əqər nur nıbu,çəşi həm qıləy foydəş nibəbe və bə qıləy dardi dəvo nibəkarde.çunki,qıləy vırə vindedəni.əmə çe ağli soybimon.çəmə mıxtəlifə ğudrətımon heste. çəmə qıləy fiki ğudrətımon heste.əmmo ehyanə nur nıbo,ımon bəmə koməq kardey nibəzıneyn. nur lozıme.ın nur Ğıroni nure….
Ğıroni ayə bəmə hamyedə ki:”və ləov ənnə….imon iyən təğvo ki,bıbu,osmon iyən zəmini bərəkot cari bəbe.osmoni bərəkot ki,həmonə mənəvi fəthone.həmonə İlahi rəhməte.həmonə təğərrube iləllahe.həmonə çe osmoni məlayikə iyən ərşi həmləkəyon bo zəmini peyo bıə Xıdo bandəon bıə istiğfore.zəmini bərəkot,yəni de insoni zəmini jimoni irtibot pəydo kardə harçi.yəni ozodəti,yəni rifoh,yəni istiğlol,yəni əmniyyət.yəni rızğo-ruzi ziyodəti,bədəmi səlomətəti və bənə ımi bıə çiyon.əqər imon iyən təğvo bıbu,həm həmonə və həmən ın bərəkoton bo insoni mevcud bəbe.ın,İslomə dine.çən, qıləy zəmon ki,votemone ki,İslomi İnğılob,çəy məno ıme ki,ərz kardey be…
