Kərimə-Ğıroni təlimonədə mığoviməti cəbhə
Kərimə-Ğıroni təlimonədə mığoviməti cəbhə
Kərimə-Ğıroni təlimonədə mığoviməti cəbhə
Ğıronədə mığoviməti muhimmə nımunəonku qıləyni de (vey zumandə sıtəmkorə podşo bıə)caluti mıborizə bardə(həxtələbə fərmonədə)Taluti mıborizə dastone.joqo ki,Bəğərə mıborəkə surə 250-ə şərifə ayədə jıqo omə:”və ləmma....qıləy zəmon ki,Taluti ləşkər de caluti ləşkəri dimə bə dim ome,voteşone: Xıdolim ha! çe dışmeni vədə səbr iyən mığoviməti bəmə nozilkə və çəmə qəmon ğoym bıkə və əməni çe kofirə dışmeni mığobilədə səbarz bıkə”. əvon bə Xıdo təvəkkul kardeşone iyən deştə kamə mığdori bəsə dışmenisə ğalib omin.
İslomi pəyğombəri(s) devronədə həm Xıdo royədə istoğomət iyən sabitğədəməti çe mısılmınon bə ğələbə noyil beyədə qıləy muhimmə rolış ifo karde.Xıdovənde-Xalığ Hudi mıborəkə surə bə pəyğombəri(s) əshobi istiğoməti təkid kardedə və hamyedə:”fəstəğim kəma umirtə....çoko ki,bətı fərmon domone,bə ın dini istiğomət bıkə və tuğyonqərəti məkə ki,Əv,şımə əncom doə çiyon vindedə”.
Seyd Həsən Nəsrullah bənə pəyğombəri(s) bə İslomi mığoviməti cəbhə qıləy rufış baxş karde.ın bə Xıdo imon iyən təvəkkuli ruf,insoniyə kəromət iyən əməli viloyətmədorətiye ki,bə ın qrupi cismi ki,həmonə de iftixori pur bıə iyən şucoətinə canqəvaronin,pu kardey be.İslomi mığoviməti cəbhə muminə mıcohidon ıştə həmmə əməlon fəğət bo Xıdo xoto əncom doydən.əvon çoko ki,Ənami mıborəkə surə 162-ə şərifə ayədə omə ki,”ğul innə....”fik,niyyət,əməl,sukut,fəryod,ğıyom iyən ğuud bəpe bo Xıdo xoto bıbu.çe qıləy muminə insoni həmmə hestemon Xıdoku iyən bo Xıdoye.Muhəmmədi mıborəkə surə 7-ə şərifə ayədə həm həmonə cəhətədə bə Xıdo royədə ğədəm peqətə kəson həmmə bəşorət doydə və hamyedə:”ya əyyuhəlləzinə ....ha muminon ha! Ehyanə şımə bə Xıdo dini koməq bıkon,Xıdo həm bəşmə koməq iyən şımə hidoyəti qəmi ğoym və mehkəm bəkarde”.ın İlahi və`də bə muminon xotırcəməti doydə ki,əqər əvon bə Xıdo dini koməq bıkon iyən çəy royədə səy bıkon,Əv,həmçinin bəvon koməq bəbe iyən çəvon qəmon ğoym və mehkəm bəkarde.ın ayə təkid kardedə ki,ğələbə iyən səbarzəti fəğət de bə Xıdo dini koməq rosney iyən cəhdon roy vositə bə dast omeydə.həmməysə muhimmə çi həm ıme ki,Xıdovənd həmonə Ğıronədə bəmə və`dəş doə ki,həxı cəbhə mığoviməti bə səbarzəti bərosne.Ənbiya mıborəkə surə 105-ə şərifə ayədə Xıdovənd qıləy mıtləğə və`də doydə ki,çın dınyo ayəndə bə salehə bandəon iyən ləyoğətinə şəxson məxsus bəbe və hukmın ğələbə bə həx iyən mığoviməti cəbhə məxsus bəbe və qırd dınyoədə çe İslomə dini mədəniyyət bərpo bəbe.”və ləğəd kətəbna...yəğınən,Davudi osmoniyə kitob Zəburədə,Tevrati bəpeşt həmonə İlahi zikrımon nıvışte ki,zəmini çe şırk iyən qınoku pok bəkardemon iyən çımı loyığinə bandəon çəyku irs bəbardeyn”.....
