Rusiyə iyən Ermənistoni rəsmi şəxson miyono votımon.
Rusiyə iyən Ermənistoni rəsmi yolon Cənubi Ğəfğazədə bıə həmkarion vəziyəti iyən çəy inkişofi barədə de yande votımon kardışone.
Bə İrna aqentiyəti raporti əsos, Rusiyə prezident Velodimir Putin iyən Ermənistoni i minnə vəzir Nikol Paşiniyon zinə telefoni vositə sohbət və bə əmniyət iyən Ğəfğaz məntəğədə əloğəon inkişofi təkid kardışone.
Rusiyə, Azərbaycan Respublika iyən Ermənistoni miyono bıə 3 tərəfi muğavilə maddon icra iyən 3 tərəfi həmkarion inkişof həminə votımononədə təsdiğ bıə mıvzoonku be.
Həminə telefoni votımonədə Ermənistoni i minnə vəzir Nikol Paşinion Brusselədə bıə Mayə manqi 22 minnə rujədə de Azəebaycan Respublika prezident İlhom Əliyev iyən Avropa şura rəis Çarlz Mişeli muzakiron detelonku bə Putin raportış do.
Rusiyə prezident Velodimir Putin 3 şənbə ruji de Azəebaycan Respublika prezident İlhom Əliyev həm telefoni votımonış be.
Miladi 2020 minnə sori Oktiyabrə manqədə Azərbaycan Respublika vey hevuj iyən həmmə tərəfinə əməliyati bo Ğərəboği məntəğəku Ermənion xaric karde və işğal bıə ərazi ozodəti xoto bino kardışone.
Azərbaycan Respublika 44 ruj canqi bəpeşt muvəffəğ bıə təğribən 3500 kilomiter çı Ğərəboği ərazi əcumlə 132 kilomiter çı İroni sərhəd nezi məntəğon ozod bıkə.
