Azərbaycan Respublika, Erməniston, Rusiyə və Ğırğizıstoni rəsmi şəxson miyono muzakiron

Ğırğizıstoni i minnə vəzir de Rusiyə, Erməniston və Azərbaycan Respublika rəsmi şəxson, iğtisodi, ticari həmkoətion bə inkişof rəsey iyən Avrasiya təşkiloti tojə iclosi bərpo bey barədə votımonış karde.

Bə Fars aqentiyəti raporti əsos, Ğırğizıstoni iminnə vəzir, Ağıl Beyk Cəbbarov de Rusiyə fedrasiya iminnə vəzir Mixail Mişostin telefoniyə votımonədə, bə 2 qılə kişvəri həmkoəti muhimmə mıvzoon əcumlə ticari, iğtisodi, mədəni iyən bəşərdustanə məsələon işorəş kardə.

Im votımonədə Cəbbarov bə Avrasiya məntəğə dıvləton miyono vəomey iclos ki ğərore ımsornə sori Avqustə manqi 25 tosə 26 minnə rujədə və Ğığizıstoni Çolpan Ata şəhrədə bərpo bıbu işorəş karde iyən votışe: Avrasiya iğtisodi ittifoğədə bəpe bə i bemoni həmkoətion nığılə məxsusə diğğət bıbu.

Əv ijən Rusiyə iminnə vəziriku dəvətış karde ki ım iclosədə iştirok bıko.

Ğırğizıstoni iminnə vəzir, həmçınin de Ermənistoni iminnə vəzir Nikol Paşiniyan telefoniyə votımonədə, Sormalo nomo bıə vojorədə tıpımoni nəticədə Erməni millətonku kalion marde, təsliyət votışe, 2 tərəf Avrasiya dıvləton miyono iğtisodi şura iclosi və ticari həmkoətion muhimmə mıvzoon barədə de yande votımonışon kardə.

Ğırğizıstoni iminnə vəzir həmçınin de Azərbaycan Respublika iminnə vəzir telefoni votımonədə, bə Ğərğizıstoni prezident Sadir Cəbbarovi səfəri bə Buko işorəş karde ki çəy nəticədə 2 qılə kişvəron miyono kali muğaviləon imzo be, həmçınin 2 tərəf, 2 qılə kişvəri iğtisodi və ticari həmkoətion barədə de yande votımonışon kardə.

Cəbbarov çı Azərbaycan Respublika iminnə vəziriku həm dəvətış karde ta Çolpan Atay şəhrədə Avrasiya təşkiloti omə iclosədə iştirok bıko.