Dınyoədə bə de İslam fobiya mubarizə bardey zərurəti, Tırkiyə təkid
Tırkiyə prezident rabitəon təşkilati yol, nosəhihə məlumaton muntəşir kardey iyən islamafobiya, çı istemori nizomi stratejikə hərəkətonku qıləyni zıneydə.
Tojədən Tırkiyə İstanbulədə de 48 qılə kişvəri iştiroki vositə, İslami həmkoəti təşkilati məlumatərosnə vəziron 12 minnə konfrans de qıləy bəyoniyə muntəşir kardey ıştə ko bə oxo rosnişe.
Bə TRT Tele-Telviziya kanali raporti əsos, prezidenti rabitəon təşkilati yol Fəxruddin Alton, qıləy xəbəiyə iclos ki ım konfransi bəpeşt brpo bıə bə ım təşkilati uzvon votışe: əmə bəpe de vəhdəti, bə ım istemoriyə nizomi ələyh vey təsirin və çand tərəfiyə mubarizəmon əncom bıbu.
Fəxruddin Alton ıştə sıhbəton dəvomədə təkidış karde: bəpe İslami barədə bə duə məlumat iyən xəbəon muntəşir kardey vey təsirinə mubarizəon əncom bıbu.
Alton ijən milli, məntəğə və beynəlxalğə səthədə bə mıvcudə rabitəon, və mediya bıhranon işorəş karde iyən ım bıhranon vədə vey muhimmə səbarzəti roy, islami kişvəron həmkoəti iyən həmohənqi zınəş be.
İstanbuli qırdbımoniədə, Ərəbiston rəsmən ın Təşkilati məlumatərosnə vəziron dıvrəiyə konfransi rəisəti bə Tırkiyə ohdəy noşe.
Bə əncom bıə təvafuğon əsos, Azərbaycan Respublikaədə, islami həmkoəti məlumatərosnə vəziron vəomey konfransi iclos bərpo bəbe.
