Bə Rusiyə təklifon əsos, Erməniston hozzoe ki de Boku rabitəon bərğəror bıko.

Ermənistoni iminnə vəzir voteydə: bə Rusiyə təklifon əsos, Erməniston hozzoe ki de Azərbaycan Respublika rabitəon bərğəror ko.

MDE yolon oxonə iclosədə Rusiyə prezident, Veladimier Putin, Azərbaycan Respublika iyən Ermənistoni yolon bə Rusiyə kişvər dəvət iyən təklifış karde ki iclosi bərpo bey vırə və torixi barədə de yande bə təvafuğ bbırəsən.

Bə Fars aqentiyəti raporti əsos, zinəCımə rujədə Ermənistoni iminnə vəzir, Nikol Paşiniyan votışe: bə Rusiyə təklif bıə prinsipon əsos, hozzo hestimon ki de Buko rabitəon bərğəror kəmon.

Paşiniyan ijən əlovəş karde: bə Rusiyə təklifon prinsipion əsos, Erməniston muvafiğ heste ki de Azərbaycan Respublika rabitəon bərğəror ko iyən hozzoe ki Suçiədə, 3 qılə kişvəri yolon iclosədə ım rabitəon təyid ko.

Dəvardə çoşəmbə Ermənistoni parlamentədə, ım kişvəri iminnə vəzir votəş be ki Oktiyabrə manqi 31 minnə rujədə( Abanə manqi 9) və bə Rusiyə dəvəti əsos, Putin və Əliyevi vindemoniro bə Suçi bəşe.