İron iyən Ermənistoni miyono əloğəon inkişof

İrəvonədə bıə İroni səfir de Ermənistoni polis ğıvvon fərmonəd vindımon və 2 tərəfi əloğəon barədə muzakirəş karde.

Bə İsna aqentiyəti raporti əsos, Əbbos Zuhuri de Vahe Ğazariyan vindımoni cərəyonədə çoknə de muxtəlifə cinoyəton mubarizə bardey, ixtisosi heyəton bə 2 qılə kişvəron vığandey iyən İroni ətba vəziyəti barədə de yande votımon kardışone.

Ğazariyan bə miladi 2012 minnə muğavilə əsos, 2 qılə kişvəri miyono icod bıə tojə dıvrə əloğəonku ıştə rizoyəti elanış karde və votışe ki Ermənistoni polis idorədə qıləy tojə mərkəz icod bıə ki çəy ko sosiol şəbəkəonədə de narkotik maddon mubarizə bardeye.

Ermənistonədə İroni səfir həm 2 tərəfi həmkoətiku ıştə rizoyəti elan və bə çəy inkişofi təkidış karde.

Əv Ermənistoni Sionik ostani Meğri şəhrədə məxsusə polis ğıvvon şobə icod bey barədə həm bə çəy təsiri 2 qılə kişvəri sərhəddonədə əmniyəti əlovə kardey çərçivədə işarə iyən izhorış karde: İron həminə çərçivədə de Ermənistoni həmkoəti kardeyro tam hozzıe.