Azərbaycan Respublika iyən Tırkiyə hərbi manevri bərpo bey.

Tırkiyə mudafiə vəzarətxonə xəbəş do ki de Azərbaycan Respublika mıştərəkə hərbi manevri binoş kardə.

Milodi 2020 minnə sorədə Ğərəboği məntəğədə, Azərbaycan Respublika iyən Ermənistoni caqi cərəyonədə, Ankara de  hərbi koməkon vığandey vositə bənə Tırkiyə soxtə bıə dronon bə Azərbaycan Respublika vığandey Bokuku himoyət kardedə.

Bə İrna raporti əsos, Tırkiyə mudafiə vəzarətxonə elanış karde: Azərbaycan Respublika sərzəminədə və de mıosirə canqi təchizaton iyən metodonku istifodə kardey vositə, Ankara- Boku mıştərəkə hərbi manıvr icro bəbe.

Bə Tırkiyə mudafiə vəzarətxonə elani əsos, çı Azərbaycan Respublika Boku, Astara, Cebrail və İmişli şəhronədə Tırkiyə iyən Azərbaycan Respublika zəmini, həvoi, məxsusə vahidon, kəşfiyot vahidon, rəketon iyən hərbi artileriyaon mıştərəkə hərbi manıvri icro beyro sakin bıən.

Hərbi koşınoson etığadışone ki Azərbaycan Respublika iyən Tırkiyə mıştərəkə hərbi manıvron bərpo beyku vey muhimmə hədəf,hərbi təlim iyən həmçınin Ankara bə Boku həvotə bıə silohon test kardeye.

Har sor Tırkiyə muxtəlifə hərbi mıştərəkə manıvr de Azərbaycan Respublika bərpo kardedə.