İron və Ermənistoni ticori mıbodiləon əlovə bey

Ermənistoni iğtisod vəzarətxonə, de İron ticori mıbodiləon 45 faiz əlovə beyku xəbəş do.

Bə zinə ruji Ermənistoni umumiyə Rədio məlumatərosnə mərkəzi əsos, Ermənistoni Respublika iğtisod vəziri muavin Armen Arzumaniyan votışe: Milodi 2022 minnə sori 10 manqədə, İron və Ermənistoni miyono ticori mıbodiləon miğdor, 45.3 faiz əlovə bıə.

Arzumaniyan ım mıddətədə 2 qılə kişvəri miyono ticori mıbodiləon mığdori 565 milyoniku vey məzənnə noşe iyən votışe: ımsornə sorədə, de de Milodi 2021 minnə sori muğaisədəde Tehron iyən İrəvani cəhdon bois bıə, İron və Ermənistoni miyono ticori mıbodiləon mığdor stabil surəti əlovə bıə.

Ermənistoni iğtisodi vəziri muavin Dekabrə manqədə İron və Ermənistoni miyono ticori həmkoəti əlovə bey dəvomi barədə ıştə umu nışoş do.

Arzumaniyan ıştə sıhbəton dəvomədə İrəvan və Tehroni ticori mıbodiləon bə 3 milyard dollar əlovə beyro, ım 2 qılə kişvəri plan kəşe iyən bə ım vırə rəseyro çəvon cəhdonku xəbəş do.