2tərəfi iyən reqional məsələon barədə Putin iyən Paşiniyani votımon
Tojədən Ğırğizıstoni Bişkekədə Avrasiya iğtisodi ittifoği yolon iclosi kənoədə, Ermənistoni iminnə vəzir Nikol Paşiniyan iyən Rusiyə prezident Veladimier Putin, 2tərəfi iyən reqional məsələon barədə de yande votımonışon kardışone.
Avrasiya iğtisodi ittifoğ(EAEU) qıləy iğtisodi ittifoğe ki Belarus, Ğəzaxıston, Ğırğizıston, Rusiyə iyən Erməniston çəy uzvon şomil bəbe.
İntizor bəbe ki Avrasiya iğtisodi ittifoği yolon iclosədə iştirokəkə rəhbəron, enerji baxşi barədə, dıvləton miyono şura iyən qazi mıştərəkə vojori icod bey barədə votımon bəbe və həmçınin ım ittifoği zumandəti iyən mıştərəkə vojori bə inkişof rosniye barədə məşvərət kon.
Bə İrna raporti əsos, ki Ermənistoni mediyaonku nəğlış kardə, Paşiniyan votışe: de təəssufi, vəziyət həmçınan bevəce iyən umid ıme ki ımruj ım ikmon icod bıbu ta de məntəğə əmniyyəti rabitədə həmmə məsələon barədə məşvərət bıbu.
Putin həm bə Rusiyə iyən Ermənistoni iğtisodi rabitəon əhəmiyyət iyən ım ki çəy kişvər İrəvani ticorəti vey muhimmə şərik bə hisob omeydə işorəş karde iyən votışe: 30 faiziku vey Ermənistoni ticori mıbodiləon de Rusiyə kişvər əncom bəbe və ım sornə Milodi 10 manqi əvvələ sorədə, 2 qılə kişvəri miyono ticorəti miğdor 67 faiz əlovə bıə.
