Boku pidəşe bə Tırkiyə ğazi ixracat əlovəko
Milodi 2023 minnə sorədə, dəvardə sori muğaisədə, Azərbaycan Respublika 19 faiz vey bə Tırkiyə ğaz həvatedə.
Bə Mehr aqentiyəti raporti əsos, Azərbaycan Respublika enerji vəzir Pərviz Şaxbazof həminə ğəroli elan iyən təsdiğış karde: cari sorədə, Azərbaycan Respublika qaz bə Tırkiyə ixracat 10 milyard kubmetr əlovə bəbe.
Milodi 2022 minnə sorədə, Buko 8.4 milyard kubmetr qaz bə Ankara həvotə kardəş be.
Azərbaycan Respublika qaz "Trans Anatoli" lolə xətti royku bə Tırkiyə ixrac bəbe. 2 qılə kişvər pidəşone de veyə investisiya tosə vəoməy 4 sori mıddətədə, həminə lolə xətti zərfiyət bə 32 milyard kubmetr bərosnon.
Im qıləy holədəy ki Yanvari 31 minnə Seşəmbə rujədə, Tırkiyə enerji vəzir, Fateh Donmez, siyohə dıyoədə, iktişof bıə qazi ehtiyaton, vəoməy 30 sori ehtiyaconro kafi bəyonış kardə.
Tırkiyə siyohə dıyo təbii ğazi ehtiyaton 710 milyard kubmetr elanış kardə.
votey bəbe tojədən Azərbaycan Respublika prezident İlham Əliyev ıştə ğəroliku xəbəş do ki bə çəy əsos pidəşe bə Avropa ittifoği qazi ixracat Milodi 2022 minnə sorədə 11.3 milyard kubmetriku, cari sorədə, bə 11.6 milyard kubmetr bırosno.
