De Azərbaycan Respublika İroni reylsi mıbodiləon əlovə bey

Şimoli osınə ro yol xəbəş do: dəvardə 11 manqi mıddətədə, Ostoro marzi terminalədə, de Azərbaycan Respublika kişvəri əmtəə reyli mıbodiləon 57 faiz əlovə bıə.

Bə İrna çoşəmbə ruji raporti əsos, şimoli osınə ro mudir, Ğolam Huseyn Vələdi votışe: dəvardə 11 manqi mıddətədə,  Ostoro marzi terminalədə, de  Azərbaycan Respublika kişvər cəmədə, 501 həzo 797 ton əmtəə mıbodilə bıə ki dəvardə sori muğaisədə, ki 319 həzo 298 ton be, 57 faiz əlovə bey nışoş do.

Vələdi həmçıin həminə mıddətədə, əmtəə reyli ixracati mığdor, 173 həzo 22 ton elan və əlovəş kardə: dəvardə sorədə ım mığdor 157 həzo 856 ton be ki ımsori mığdor 10 faiz əlovə bey nışoş do.

Şimoli osınə ro mudir ijən əlovəş kardə: dəvardə sori mıddətədə, təğribən 130 həzo ton əmtəə bə Ostoro reylzi terminal varid bıə və 198 həzo toniku vey həm tranzit bıə.

Ostoro bəndəi marzi şəhrıston, Qilon ostani ğərbədə de 91 həzo nəfər cəmiyət vağe bıə və de  Azərbaycan Respublika 3 qılə zəmini, dıyo və reylzi marzış heste.