Azərbaycan Respublika, İroni stratejikə şərike

İroni xarıci vəziri iğtisodi diplomatiya muavin, Azərbaycan Respublika bənə İroni stratejikə şərik zıneydə.

Bə İrna raporti əsos, Zinə cımə rujədə, və İroni şimol ğərb, şərği Azərbaycan, Xıdo Afərin şəhrıstoni marzi tanqəku vindemon kardey cərəyonədə İroni xarıci vəziri iğtisodi muavin Mehdi Səfəri elanış kardə: Xıdo Afərin şəhrıstonədə marzi karidor vey rə icod bəbe iyən votışe: vəoməy rujonədə və 2tərəfiyə vindemonon çərçivədə, Xıdo Afərin şəhrıstonədə marzi koridor icod beyro təvafuğon bə oxo bərəse.

Səfəri ijən Ermənistoni səmtiku bə Ərəsi ru çırkin bey mıvzo həm işorə iyən əlovəş kardə: jəqo ki ekoloqiya çırkinə təxəsusi və texniki  təğibon təyid kon, Erməni tərəfo bəpe çırkinəti peqəteyro  lozimə hərəkəton əncom bıdə.

Xıdo Afərin şəhrıston, Təbrizi şimol şərği 210 kilometri fosilə və Ərəsi marziyə ru kənoədə de Azərbaycan Respublika mıştərəkə marzədə ğərorış qətə.