Azərbaycan Respublika vədə İroni mıtəğabilə reaksiya

İroni xarıci vəzarətxonə sıxənəvot bə Azərbaycan Respublika ğeyri kanstruktiv, ihsosi və tındə hərəkəton reaksiya nışoş do və votışe: İron mıtəğabilə diplomatik reaksiyaon ıştəniku nışo bədoy.

Bə İran Peres aqentiyəti raporti əsos, Nasir Kənani çafi tojədən votışe: bə Azərbaycan Respublikaədə bıə İronıjə diplomaton iyən moəllimon ələyh Buko hukuməti hərəkəton və rəftor hamsuyəti prinsipon əks və ziddiyətış bıə koy hisob bıdə.

Əv votışe: qılə holədə ki bıhron Fələstin işğali əraziş pur kardə və sionist rejim vey daxıli bıhroninə şəroyetədə qiriftor bıə iyən ım rejim bə mısılmonə rujə əqəton həmlə karde holədəy İroni nəzəku mısılmonə milləton bpe Fələstin və şərifə Ğudsi hədəfi jintonədə bənə vacibə ko iyən dini vəzifə i bıbun.

İroni xarıci vəzarətxonə sıxənəvot, Buko dıvləti bə mıtəğabil və ehtırom çokə hamsuyəti və sionist  deşmənə rejimiku diyəro mande dəvətış kardə və votışe: İron de cəmie şəroyeti nəzədəqətə əvəzi be kardə diplomatik koon əncom bədoy.

Tojədən Buko hukumət çı İroni səforətxonə 4 nəfər koəkəş Azərbaycan Respublikaku ixracış kardə.