Suriyə xarıci vəzir elanış kardə: de Tırkiyə rabitəon ğərəz ım ki Tırkiyə Suriyə sərzəminiku xarıc bıbu, mumkin ni.

Bə İsna aqentiyəti raporti əsos, Suriyə xarıci vəzir Feysəl Əlmeğdad ıştə sıxənonədə votışe: de Tırkiyə rabitəon ğərəz ım ki Tırkiyə Suriyə sərzəminiku xarıc bıbu, mumkin ni.

Feysəl Əlmeğdad ijən əlovəş kardə: Suriyə przident Bəşar Əsədi vindemon de Tırkiyə przident Rəcəb Təyyeb Ərdoğan bə Suriy sərzəminiku Tırkiyə hərbiçion xarıc bey vabəstəy.

Əlmeğdad ıştə sıxənon co qılə baxşədə işoəş kardə ki Ukraynaədə Rusiyə ərtış yolə səbarzətion bə dast vardəşe ijən əlovəş kardə: Amerkə və ğərbi kişvəron vəziyət bevəc kardışone və vey məsələonədə du votışone və həminə məsələ bois bıə ki Moskva ım ko əncom bıdə və Dəməşğ həm ım koku himoyə kardedə.

Feysəl Əlmeğdad Ərəb ittifoği oxonə iclosi barədə həm votışe: Cəddədə ərəbi yolon iclosi cərəyonədə, Suriyə millət və rəhbəron həxədə əmə vey lutfon şoyd bimon və hiss kardedəmon ki həmişə ərəbi kişvəron milləton və rəhbəron bə əmə məhəbbətışone boçi ki Suriyə həmməku vey bə ərəbi umməti hədəfon pobən be.

Əlmeğdad ıştə sıhbəton dəvomədə de israili vositə Suriyə bombardemoni məhkumış kardə və bə telaviv notaş do ki ıştə cinoyətkorə hərəkəton dast bıkəşo.

Suriyə xarıci vəzir həmçınin təkidış kardə, de israili təcavuzi vədə, və Suriyə kənoədə mandeyro, Dəməşğ bə ərəbi kişvəron himoyə umidvore.