Bokuədə Şəbanə Manqi 15 minə ruji mərasimon dəvoniye vəy qətə bıə.
-
Buko hukumət məhdudiyəton sabit kardedə ki rəsmi şəxson de çəvon əməl bərobər ni.
Boku devlət bə mısılmonə cəmaəti Ağa İmom Zəman(Ə) moəku bıə ruji mərasimon dəvoniye icozə doəş ni.
Bə Təsnim aqentiyəti raporti əsos Azərbaycan Respublika dıvlət ıştə bə din islami zidd hərəkəton dəvomədə əv həm qıləy kişvərədə ki çəy cəmiətiku vey şiəyon iyən bə Əhli Beyt İsmət və Təharət(ə) aşığonin Həzrəte İmom Zəmon(Ə) milad ruji mərasimon dəvoniye vəyeş qəte.
Azərbaycan Respublika ruşin fikon hərəkati sədr Eldeniz Ğoliyev ım xəbə barədə votışe: kəsoni ki çı milləti mənəvi erjun təhrif kardedən ıştə ğəraronədə jıqo bə milləti mənəviyəti aid mərasimon dəvoniye vədə mane bıdən.
Əv votışe: Azərbaycan Respublika dıvlətədə rəsmion bo ğeyri əxloğiyə mərasimon dəvoniyəro çandə zəminəon hozzo kardedən ki insoni xəcolət kəşe və dıvləti be abro həyo əkə boyis bıdə əmmo jıqonə ğeyri islamiyə hərəkəton əv həm qıləy vəziyətdə ki ğərare i tərəf İslami Həmreayəti hənəkon kişvərədə bərpo bıbu və co tərəf ımsurnə bənə islami i bemoni sor vıjniyəşone 2 dimə siyasətonku əlomətdore.
Ğərəboğ ozod əkə təşkilati lider Akif Nəği həm Boku hukuməti jıqonə siyasəton məhkumış kardə ijən votışe: məhdudiyəton sabit kardedə ki rəsmi şəxson de çəvon əməl bərobər ni.
