Azərbaycan Respublika nat və ğaz nımayeşgahədə İronıjə şirkəton iştirak.
May 31, 2017 12:49 Asia/Tehran
-
bə nat və ğaz aid bıə məhsulon 400 qılə pavilyon ədə nımayeş doə bıdə.
Azərbaycan Respublikaədə bıə nat və ğaz 25-nə dıvrə beynəl xalğiyə nımayeşgah de 290 qılə kompaniya əcumlə İronıjə şirkəton Bukoədə bino bıə.
Bə İrib raporti əsos, çı Azərbaycan Respublika nat və ğaz nımayeşgah əməliyatiyə koon mudir elanış kardə: 30 qılə kişvəronku şirkəton ımruj Bukoədə və ım dıvr nımayeşgahədə ıştə məhsulonışon bo 3 ruji mıddət nışo dodən.
Fərid Məmədov bə İroniku çandə şirkəton huzur işarəş kardə və votışe: jıqonə nımayeşgahon qıləy çokə fırsəte ta nat və ğazi sahədə muxtəlifə kişvəron yande zərfiyət və ımkanatonku oşno bıbun və bə dınyo elan bıkən.
Xəbə omə ki ım nımayeşgah mıxtəlifə hissə və baxşonış heste ki bə nat və ğaz aid bıə məhsulon 400 qılə pavilyon və qədə otağonədə nımayeş doə bıdə.
