Pars Today

Azərbaycan Respublika prezident təsdiğış kardə: islamiyə kişvəron bəbe ıştə miyono həmmə mıvcudə problemonışon de sulhinə metodi həl bıkən.

Bə İrna raporti əsos İlham Əliyev Bukoədə islamiyə kişvəron səfiron mıloğatdə çın kişvər və co islamiyə kişvəron miyono həmkarion səthış vey çok və de muvəffəğiyət bə i co hisobış kardə ijən Ğərəboği bohrani həl karde barədə bə çəvon himoyəon xoto islamiyə kişvəronku ğədrdonətiş kardə.

Əliyev təsdiğış kardə: Ğərəboği barədə islamiyə kişvəron himoyəon və çı Azərbaycan Respublika vindemoni təsdiğ karde vey əhəmiyyətış heste ijən Buko dıvləti siyasətonədə vey təyin əkə və erjine.

Bə Əliyevi votəyon əsos islamiyə həmkari təşkilat Ğərəboği barədə deştə ğətnoməon sadir karde həmişə Buko dıvləti peştədə bıə ijən Buko həm həmişə beynəl xalğ sahədə bə islamiyə kişvəron himoyə kardero əktivə təsiron ıştəniku nışoş doə.

Əv ijən bə ımsornə sori Azərbaycan Respublikaədə bənə çı islamiyə i bemoni sor vıjniye işorəş kardə və votışe: həmonə sahədə ım hərəkət çı Buko dıvləti mısbətə siyasəton və çokə niyəti nışonəy.