Ğuds və Ğərəbağ islamiyə sərzəminon simvole.

Azərbaycan Respublika islam partiya rəhbəri muavin huccətul islam vəlmuslimin İlham Əliyev ğodsıku bənə islamiyə sərzəminon simvol yodış karde və votışe: ta bə zəman ki Ğods ozod bə ni həmmə islamiyə sərzəminon işğalədən.

Hac ağa İlham Əliyev de Səhər beynəlxalğə kanali Azad arena bəjiyə bərnamədə telefoniyə əlağəş qəte və Ğuds ruji simvol ğəror qəte dəlilış oşko bəyonış karde və əlavəş karde mərhum imom Xomeyni ne ım ki mubarəkə rujə manqi oxonə cumə rujış bənə Ğuds beynəlxalğə ruj nomış no və islam dini deşmenon notəmizə niyyətonədə  mıslmonon vəhdəti elan kardeş bə dınyo nışon do bəlkə de ım  nımonə tədbiri insoniyyətiyu qıləy yolə xıdmətış əncum do.

Azərbaycan Respublikaədə islam partiya rəhbəri muavin islamiyə məmləkətonədə bə Ğuds ruji əhəmmiyyəti işarəş karde və  ıştə sıxanon dəvomədə votışe: mərhum imom Xomeyni qıləy  ro okardeədə insonon bə səadət rosneyu həmməysə məntiğiyə roş okarde və ım ozodə mıtəfəkkiron dıştə nımonə həmdıləti iyən vəhdət ıştə dust və deşmenışon zınə.