Tırkiyə i minə vəzir ijən Avropa i bemoniku tənğidış kardə.

Tırkiyə daxıliyə mıvzoon ijən Tırkiyə və Avropa miyono rabitəon barədə Ben Əli Yildirim çı Avropa i bemoniku tənğidış kardə.

Bə TRT televeziya raporti əsos Tırkiyə i minə vəzir Tırkiyədə qıləy iclosədə votışe: Tırkiyə yeqanə kişvəre ki Avropaədə ıştə uzviyəti barədə muzakirəon dəvom doe bəpeştə hələ viza rejimi ləğv karde həxi soib bıə ni.

Tırkiyə i minə vəzir əlovəş kardə: Avropa təşkilat Tırkiyə uzviyəti cərəyonədə çandə maneonış icod kardə ki hələ həm bə həminə siyasət ijən Tırkiyə daimə uzviyəti vəy qəte dəvom dodə.

Tırkiyə miladi 1987 nə soriku Avropa i bemonədə uzviyəti tələbış kardə.

Miladi 2005 minə soriku Tıriyə rəsmiyə uzviyəti proses bino bıə əmmo koşınason etığadışone ki Avropaədə bo Tırkiyə rəsmiyə uzviyətiro çand sor dəbəkəşe.

Ğeyd bıdə ki Tırkiyədə demokratikə vəziyət ijən dıvləti islohoton hələ de Avropa standardon həmohənq ni.