İrağədə 300 nəfər Azəriyə terrorist həlok bıən.
-
Azəri şəhrvandon ki İşid və Əl-Nusrə terroristiyə qrupondə uzv bıən.
Azərbaycan Respublika milli əmniyyət idorə rəis İrağədə ım kişvəri 300 nəfər şəhrvandon həlok beyku xəbəş do, əvon İrağədə Daeş terroristiyə qruponədə cəzb bıə bən.
Bə Modern Az internetiyə aqentiyəti raporti əsos Qeneral Mədəd Ğuliyev təkidış kardə: 900 nəfər nezi çı Azərbaycan Respublika Şəhrvandon İrağ və Suriyədə İşid terroristiyə qruponədə uzv bıən ki çəvonku 195 nəfəri şəhrvandəti ləğv ijən 85 nəfər həm dəstqir bıən.
Əv təsdiğış kardə ki co şəhrvandon hələ bə kişvər oqardəşon ni.
Oxonə soronədə vey Azəri şəhrvandon ki İşid və Əl-Nusrə terroristiyə qrupondə uzv bıən bə Azərbaycan Respublika oqarde bəpeştə həbs bıən.
Oxonə hukmədə çı Azərbaycan Respublika Məhkəmə 2 qılə çı Azəri şəhrvandon Mahir Musayev və Şəkur Babayevi Suriyədə İşid terroristiyə qrupədə uzv bey xoto de tərtib bə 15 və 11 sor həbs məhkum bıən.
İ minə kərə ki çı Azərbaycan Respublika milli əmniyyət idorə jıqo Suriyə və İrağədə terroristiyə qrupon tərkibədə çəxtə ıştə şəhrvandon həlok beyku xəbə dodə.
