Boku şəhrvandon iraği ərazi təmamiyyətiku tərəfdarətişon karde.

Azərbaycan Respublika şəhrvandon iraği ərazi təmamiyyət və hakimiyyəti həxiku mudafiyə kardeyu bokuədə bə İ bə milləton təşkilati nımayəndəqi dəftərxonə vədə etirazinə mitinqışon bərpo karde.

Boku bə telerədyo aqentəti xəbon əsosi cumə ruji etirazinə hərəkətdə iştirak kardəkəson iraği kırdıstonı məntəğə co kardeyu referendomi bərpo kardeşon məhkum karde həmçinin işarəşon karde çı məntəğə rəsmi şəxson bəpe bə iraği ərazi təmamiyyət və hakimiyyət həxi ehtırom bınən.

ım etirazinə hərəkətdə iştirak əkon vəhdətinə irağ baxş əbı ni və iraği kırdıstonı co kardeyu referendum botile şoarışon do və çı məmləkəti ərazi təmamiyyəti hifz kardeyu ıştə tərəfdarətişon elan karde.