İslamiyə həmkarəti təşkilati uzv bıə məmləkəton məclison konfransi 13 minnə devrə tehronədə təşkil be.
İslamiyə həmkarəti təşkilati uzv bıə məmləkəton məclison 13 minnə konfrans ımruj sıb de president Həsən Ruhani və ironi islamiyə şura məclisi rəis Əli Laricani huzuri ıştə koş bino karde.
Bə telerədyo aqentəti xəbon əsosi ım konfransədə 41 islamiyə məmləkəti rəison rəisi muavinon iyən nımayəndon huzurışon heste.
islamiyə həmkarəti təşkilati uzv bıə məmləkəton məclison 13 minnə konfrans maştə qıləy bəyonoti nəşr kardeədə bəştə ko oxo bədoy.
həminə haftə şanbə 1 şanbə və 2 şanbə rojonədə daimi iyən təxəssusiyə komitəon iyən umumiyə icma islamiyə həmkarəti təşkilati nımayəndon iyən eksperton huzurədə bərpo be.
təxəssusi iyən koəzınon və icraiyə komitəon iclosonədə bəhsoni mincumlə siyasi və xariciyə əlağon insonə həxon jenon və ailə koon hoğoği və mədəniyə məsəlon mədəniyyət və məzhəbon miyonədə bıə votımonon ixtisadi iyən ekoloqiya məsəlon islamiyə məmləkəton parlamentonədə jenon iştirak karde iyən konfransi nəhaiyə nav nıvıştəyon hozzı karde xoto muzakiron bərpo bin.
