Xoşru: Əmniyyət Şuraədə təsdiğ bıə sanksiyaon bəbe bə ğələtə məlomaton əsosədə məbu.
İ bıə milləton təşkilatədə İroni daimə nımoyəndə votışe: Əmniyyət Şuraədə sanksiyaon bəbe bənə oxonə ro iyən de ruşinə fakton əsos təsdiğ bıbu nı səhvə dərkiku.
Bə İrib raporti əsos Ğolam Əli Xoşru çı i bıə milləton təşkilati qıləy məxsusə kamissiya iclosədə sulh, əmniyyət və beynəl xalğ mıvzoon siyasi cəhətiku həl karde barde əlovəş kardə: çı Əmniyyət Şura həmonə təsdiğ bıə sanqsiyaon ki siyasi ənqizəon və ya xot siyasi nıfuzi jentonədə təsdiğ bıbu ğeyri ğanuni və no həxe.
Xoşru təsdiğış kardə ki Əmniyyət Şura bəbe çı i bıə milləton təşkilatədə ğeyd bıə maddon və ğanuniku xuxusi, təhrimon barədə xaric nıbo.
İ bıə milləton təşkilatədə İroni daimə nımoyəndə ijən i tərəfiyə sanksiyaon əxlaği və ğanuni cəhətiku ğeyri ğəbul zınəş be və çəyku tənğidış kardə ki jıqo insonə həxon poymol karde kənoədə kişvəron inkişofi vədə mane bedə.
Xuşro ıştə təəsufi çı Amerkə ım siyasiku elanış kardə ijən votışe: Amerkə dıvlət məvuji bə sanksiya iyən təhrimon təsdiğ karde adət kardə və əvış bənə xarıci siyasəti əbzar ıştə mənafe cəhətdə hisob kardə.
İ bıə milləton təşkilatədə İroni daimə nımoyəndə həmçınin ətomiyə təvafuği çı beynəl xalğ həx-huğuğon sahədə vey muvəffəğə ulqu zınəş be ijən həminə təvafuği icra kardero bə İroni çokə rəftor iyən şəffafə vindımon təkidış kardə.
