İ bıə milləton sukuti sayədə siyonist rejimi cinoyəton dəvom.
İroni məclesi xarıci siyasət və milləti əmniyyət kamissiya sıxənəvot təkidış kardə: i bıə milləton, ğərbiyə kişvəron iyən bəşər həxon mudafiə əkə onemonon sukuti sayədə meydon bo siyonist rejimi cinoyəton iyən Fələstinıjon ğətliamiro hozzo be.
Seyed Husein Nəğəvi Huseini bə Ğəzzədə siyonist rejimi tojə cinoyəton işorə və təkid kardə: Fələstin milləti ğətliam karde barədə siyonist rejimi cinoyəton vədə dınyo ısət bə i bıə milləton təşkilati sukut karde adətış kardə və hol ım ki bəşər həxon mudafiə əkə onemonon bəbe ıştə əsli metod və məsuliyyəti əməl bıkon.
İroni məclesi xarıci siyasət və milləti əmniyyət kamissiya sıxənəvot votışe: İron kard ni bəzne bənə ğərbi kişvəron çı siyonist rejimi ım cinoyət və vəhşi hərəkəton barədə sukutış bıbu ijən bə ıştə dini və insoni həxon iyən məsuliyəti əməl kardə.
Seyed Husein Nəğəvi Huseini təkid kardə: əqə siyonist rejimi cinoyəton barədə mısılmonə milləton oğoətəti bıə be ım rejim hiç faxt jıqo Fələstinıjon ğətliam kardero be həyo nıəbey.
