Qeneral mayor Hatəmi: Amerkə İroni çı ətomiyə təvafuği mənafeku məhrum karde məğsədış heste.
İroni mudafiə vəzir votışe: de be əsos bəhonəon iyən bə beynəl xalğ muğaviləon əməl nıkarde iddiyo Amerkə İroni çı ətomiyə təvafuği mənafeku məhrum karde məğsədış heste.
Bə İrna raporti əsos qeneral mayor Hatəmi Maskvadə Serbiya mudafiə vəziri vindemonədə əlovəş kardə: umum iştimaiyət və dınyo onemonon bəbe ətomiyə təvafuği barədə Amerkə çı təziği jiədə ğəror bedon və ım İroni təbii həxe.
Əv bə İron Serbiya kişvəron miyono əloğəon inkişof işorəş kardə və 2 qılə kişvəri rəsmi şəxson vindemoni siyasi və iğtisodi sahədə həmkarion bə tojə mərhələ daxil bey bə iradəon əsosi tələb kardə.
Qeneral Hatəmi omidvar be omə zəmonədə 2 qılə kişvəri miyono texniki, ixtisosi və hərbi əloğəonku muğaviləon həm imzo bıbun.
Aleksander volin həm bə İron iyən Serbiya miyono hərbi əloğəon inkişofi təkid kardə iyən votışe: hərbi və mudafiə sahədə həm həmkarion səviyə bəbe bənə siyasi əloğəon miğdor ziyod bıbu.
İroni mudafiə vəzir bə Rusiyə səfər karde iyən Moskvadə əmniyyəti iclosədə iştirok karde bəpeştə bə Tehron omə.
Qeneral mayor Hatəmi ım iclosədə məntəğədə bə əmniyyəti vəstabil vəziyəti xarıcion mudaxilə nıkarde sayədə işorəş kardə.
