Şəmxani: bo beynəl xalğiyə təşkilaton səmərin bey mıəyyən kardero ətomiyə təvafuğ qıləy tarixiyə imtovone.
İroni milli əmniyyət ali şura sərkatib votışe: bənə qıləy əmniyyəti və siyasi muğavvilə İ bıə Milləton Təşkilati Əmniyyət Şuraədə təsdiğ bıə İroni ətomiyə təvafuği muvəffəğiyət ya dəboxte, davoon əvəzi muzakiyə məntıği əsrin və ğıymətin beyro bo beynəl xalğiyə təşkilaton səmərin bey mıəyyən kardero qıləy tarixiyə imtovone.
Bə İrna raporti əsos, İroni milli əmniyyəti ali şura sərkatib, Əli Şəmxani zinə ruj Tehronədə bıə İroni bə ğaydə-ğanuni nəzorət karde ğıvvon komandanon iclosədə de işorə bə ətomiyə təvafuği barədə Donald Trumpi sıxənon votışe: əqə Amerkə prezident ıştəniku bənav bıə dıvləti tərəfo əncom bıə təvafuğ və təəhhudon ğəbul nibəkay, həlbəttə ijən hiç kişvəri bə muzakirə və təvafuğ xoto de Amerkə əloğəş nibəbe, boçi ki ehtimolış heste ki vəomə dıvləton həm esətnə dıvləti təəhhudon rəd bıkun.
İroni milli əmniyyət ali şura sərkatib bə deşmənon benəticə cəhdon bə islami nizom zərbə jəy xoto işorəş kardə və votışe: deşmənon ım roədə muxtəlifə silohku əcumlə siyasi, iştimaiyəti, mədəniyyəti və duəvujətiku istifodə kardən.
Şəmxani həmçınin de işorə bə Amerkə və siyonist rejimi cəhd umumi fikon bərobərədə təslim bey ya canq karde variyanton ğəror doe işarə iyən təsdiğ kardə: xarıci və daxıli sahəonədə deşmən çı İroni siyasi ğudrət və hərbi iyən əmniyyəti hozı bey etirof kardə.
İroni və 5+1 qrup-i(İnqiltərə, Fransə, Çin, Amerkə və Almaniya) miyono ətoniyə təvafuğ 2016-nə sori Janvari 12ku icra bıə əmmo Amerkə dıvlət bənə i qılə ıştən bəsə uzv həmişə ətomiyə təvafuği icraədə bədəhdətiş kardə.
Donal Trump Ətomiyə təvafuği əvəz bey tələbış kardə və elan kardə ki jıqo nıbıə holədə Amerkə çəyku xaric bəbe.
