İslamiyə inğilabi hədəfon bə nav bardeyu inğilabi yolə rəhbəri bə cıvonon və aliməktəbonədə bıə kəson roli işarəş karde.
İslami İnğilabi yolə rəhbəri tələbəon qıləy cəmi hərarətinə vindımonədə cıvonəti ruhiyə təsir bınə şəxsiyəti his tələbəon cəriyanonədə imoni iyən yolə hədəfonədə bıə niyyəton və yolə hədəfon tələb kardeş bə omə rujon omidvarəti iyən islamiyə ironi inkişafo boisış zınə.
Həzrət Ayətullah Xamenei zinə əsrə vaxti tələbəon elmi mədəni siyasi ictimaiyət iyən bə tələbəon fəaliyəton anqıl bə təşkilaton mıxtəlif nımayəndon çansanəfərə səmimiyə vindımonədə əlavəş karde bəpe bə məmləkəti şərayeton və imkanon diğğət doe əsosi de veyə ğıvvə və surəti bə hədəfon tərəf hərəkəton dəvom pəydo bıkən.
İslami inğilabi yolə rəhbəri ıştə bəyonoton əvələdə de tələbəon vindımon karde və çəvon sıxanonış ki məmləkəti mevzoonku cur bə curə məsəlonku iborət be qıləy mısbətə iclosış zınə və votışe:çı iclosi yolə nəticə mıxtəlif fikonədə bıə tələbəon miyonədə həyəcanin iyən bəjiyə ruhiyə iyən hərəkəton oşko bey və ım həğiğiyə şərayet ali məktəbonədə depresiya yəs və naomidiku deşmenon və əcnəbion iyən bəzi daxiliyə uzvon təbliğonku bə kənoy.
Həzrət Ayətullah Xamenei əlavəş karde bəzi təşkilaton mincumlə telerədyo təşkilatdə irodon və problemon həl karde əsosə roonku qıleni cıvon fəal dindar və zumandə iradə soybə şəxsonku bəhrə bardəy.
yolə rəhbəri işarəş karde heç qıləy şək şubhə ni ke islamiyə nizomi hərəkət bə nav şedə və əlavəş karde omə rujon ımrujisə coke və bə cıvonon aide əmmo çəy lozim bə çi səhihə roədə mande hərəkəti dəvom doe və onıqıney.
Həzrət Ayətullah Xamenei milliyə səviyədə ıştəni bovə karde siyasi ixtisadi və mədəniyə istiğlal iyən ozodətion mincumlə fik qəpi bəyon karde və əmələdə ozodətiş islamiyə nizomi coqlə hədəfonkuş zınə və votışe:əqər ozodəti nıbo mənəviyə inkişaf ictimaiyətdə nibəbe əmmo həminə ozodəti bə ğanon iyən çərçivəon ehtiyociş heste çunki əqər jıqo nıbo bə hərc-mərc bois bəbe.
inğilabi əzəmətinə rəhbər elm və texnoloqiya baxşonədə bə islamiyə ironi oşkoə inkişafon iyən ım roədə məsuliyət ğəbuləkə cıvonon roliku işarəş karde və ıştə bəyonoton dəvomədə əlavəş karde ım məsəlon kənoədə bəpe bə ım miğdar rozi nımandəmon bəlkə bəpe bə məmləkəti şərayeton və imkanon diğğət doe əsosi ım fəxrinə hərəkəti de veyə ğıvvə və surəti dəvom bıdəmon.
