Ruhani:İron məntəğə və beynəlxalğə səviyədə ixtisadiyə həmkarətion inkişaf doeyu hozzıy.
İron İslam Respublika prezidenti votışe:İron bənə qıləy mıstəğil və çokə şərik məntəğə iyən beynəlxalğə səviyədə ixtisadiyə həmkarətion inkişaf doeyu hozzıy.
Həsən Ruhani ımruj çını məmləkəti Çinqdao şəhrədə Şanqhay həmkariyə təşkilati yolon 18 minnə iclosədə votışe:qıləy əmn orom iyən bə inkişafi rəsə məntəğəyu bəpe dırozə vaxtonru mıştərəkə məsəlon iyən iştirakinə faydon məntəğədə həmkarətion əsos bıbo və əlavəş karde 1 tərəfə sanqsiyaon bə beynəlxalğə ğanoniyə ticarəti zərbə bəjəy və şək ni ki ixtisadi siyasi və huğuği cəhətonədə I tərəfə hərəkəton məntəğədə bıə həmkarətion zəif bəkay.
president Ruhani əlavəş karde Amerkə fəaliyət ıştə siyasəti bə cokəson qi noeyu bə inkişafi tərəf şə qıləy xətoy və beynəlxalğə səviyədə bıə ictimaiyəti nəzəron Amerkə 1 tərəfə hərəkət iyən etina nıkardeku tojə nımonə atom sazışiku xaric beədə çı məmləkəti ğərule.
İron İslam Respublika president eyne holədə votışe:terarizm separatçiyəti iyən radikalə hərəkəton dınyo mıxtəlif məntəğonədə və məxsusən çəmə ətrofədə bə məntəğonədə mincumlə mərkəzi asiya iyən asiya ğərb hissəş təziği jiyədə ğərorış doə və votışe: terroristiyə qrupon məntəğə məmləkəton miyonədə əlağon iyən informasiya nıbeku suistifadə kardeədə mıxtəlif qrupon icod kardən və boştəno tojə uzv cəzb kardən.
president Ruhani votışe: İron dəvardə soronədə daxil və ıştə ətrofədə bə məntəğonədə terarizmı notəmizə məsələdə dim bə dim bə və terroristi iyən radikalə qrupon vəy qəte iyən ım cəriyanon zəif kardeyu ğeymətinə təcrubəonış bə dast vardə ki ım cəhətdə bəznemon de İŞİD mubarizə bardeədə de İrağ vəSuriyə devləton həmkarətiişarə karde.
president Ruhani eyne holədə votışe: Şanqhay həmkarəti təşkilat ıştə məntəğədə çancəhətə problemonru cur bə curə çokə məmuriyətonışon nəzədə qətə və İron İslam Respublika de Terarizm ,radikalə hərəkəton separatçion iyən nərkotikə maddon mubarizə bardeyu de Şanqhay həmkarəti təşkilati dastək doeyu hozzıy.
