Amerkə və çəy mıttəhidon Əhvazədə terroristiyə həmlə amilonku himoyə əkəyonin.
Bə İroni qıləy təhğiğiyə mərkəzi statestikaon əsos İroni millət İroni cənub ğərbədə bıə terroristiyə həmlə əsliyə amilonku himoyə əkəyon Amerkə və Amerkə şərikon zıneydən.
Bə həminə raporti əsos ım təhğiğədə iştirokəkəyonku bə 39 faiz nezi Amerkə, bə 29 faiz nezi İŞİD, bə 27 faiz nezi Ərəbiston, 23 faiz sionist rejim iyən 13 faiz həm anti inğilab qrupon çı Əhvazi terroristiyə hadisə amilon zıneydən.
Bə həminə təhğiği nəticəon əsos ki təğribən 1300 nəfər İroni şəhrvandonku əncom bəy cəmaət veyni Amerkə və Amerkə şərikon bənə Əhvazi terroristiyə hadisə amilonku əsli himoyə əkəyon zıneydən.
Sentiyabri 22, İroni Əhvaz şəhri qıləy parkonku bə ım şəhri hərbi parad mərasim terroristiyə həmlə nəticəku, 25 nəfər çı Əhvazi şəhrvandon iyən hərbion şəhid və 69 nəfər zəxmin bıən.
DAEŞ və Ələhvaziyə terroristiyə qrupon ki Ərəbiston və Amerkə tərəfiku himoyədorəti bıən, ım terroristiyə həmlə məsuliyəti ğəbul kardeşone.
