Ğasımi:Avropa ıştə de ironi əlağon təxrib kardəkəsonku moğət bıbon.
İroni xarici koon vəzorətxonə sıxanəvoti votışe:Avropa itifağ ıştə de İron İslam Respublika əlağə,muxalifon təxribatinə siyasətonku moğət bıbo.
İroni xarici koon vəzorətxonə sıxanəvot Bəhram Ğasımi zinə şanqo de İRNA təşkil doə votımonədə elanış ka avropaiyə devləton icazə nıdən 3 minnə tərəfon ki İron və Avropa itifaği əlağon inkişafədə muxalifin,navnə bərnamonədə ıştə təxtibatinə senarion bə nav bıbən.
Ğasımi,Danimarka bəzi siyasətçion tərəfo bəyon bə bıhtononış rəd karde və əlavəş ka İron İslam Respublika har qıləy xışmqin və terroristiyə əməlonədə muxalif bə və ım hərəkəton ironi nəzəku məhkum,bə mızəmməti loyiğ və notəmize.
İroni xarici koon vəzorətxonə sıxanəvoti votışe:əlavə bimi İron İslam Respublika desbə ısət de terarizm və xışmqinə hərəkəton mubarizə bardeyu veyə ziyanonış vində və terarizmiku qonə zərbəonış vində.
Ğasımi əlavəş karde əviki Danimarka bəzi rəsmi şəxson tərəfo bəyon bə kamilən be əsos və na səhihe və movcod bə məlomaton həm ım məsələ nışon dodə.
İroni xarici koon vəzorətxonə sıxanəvoti votışe: Amerkə,sionist rejim və coqlə bəd nomə mərkəz ki ımruj de qonə məhkumiyəton dim bə dime ,fəaliyət kardən de pisixi canqon ironi de bıhton dim bə dim bıkən və çı royku İron və Avropa itifaği əlağon, bə Amerkə sanqsiyaon 2 minnə mərhələ nez beədə xərob bıkən.
Bəhram Ğasımi əlavəş karde bə nəşr bə xəbon əsosi jıqo bə nəzə rəsedə avropaku bə kəno qıləy əmniyyətiyə mərkəzo səhvə məlumaton Danimarka extiyorədə ğərorış qətə və təəssuf ki Danimarka qıləy surətinə hərəkətdə bə ironi zid bıhtononış bəyon kardə.
Həminə cəhətdə Croz aləm post nomo bıə siyonistiyə rujnamə zinə işarəş karde israil,Danimarka bə ironi zid sənəd hozzı karde cəriyanədə dim bə dimə rolış bə.
ım sionistiyə rujnamə nıvıştəşe,israilı cəsusiyə təşkilat Danimarka məmləkətdə ironi bə qıləy şəxsi hucum karde fəaliyəton anqıl məlumatonış Kopenhaqenı extiyorədə ğərorış doə.
Danimarka,3 şanbə əsrə vaxti,bəzi avropaiyə məmləkəton bə ironi zid təziğon dəvomədə Danimarka əraziədə qıləy şəxsi terror karde əməliyati fəaliyəton xoto tehronış məhkum kardə və ım məmləkətdə bıə ironi səfirış piyə ta bə bəzi məsəlon cəvob bıdə.
