De ironi deşmenon veyə hucumon mubarizə barde həxədə yolə rəhbəri işarə.

İslami inğilabi yolə rəhbəri votışe: deşmenon veyə hucumon vədə bəpe veyə səthədə imkanon,ğıvvon və kadron vəhdəti roədə əməl karde ta millət və məsul şəxson dıştə nığılə bovəon,Xıdavəndə xalıği zikr karde iyən bə pərvərdiqari təvəkul kardeədə,Xıdo ıştə sədoğətinə vədəon İroni yolə milləti həxədə oşko bıkə.

İslami inğilabi yolə rəhbəri Həzrət Ayətullah Xamenei zinə xubreqane rəhbəri məclisədə milləti tərəfo vıjniyə bə nımayəndon vindımonədə,məmləkət iyən təsir bınə odəmon de problem və hadison çıcurə rəftor karde həxədə votımon iyən umumiyətdə bıə fikonədə nığılə aqahəti icod karde barədə işarəş karde və votışe:daxiliyə məsəlonədə deşmen və çəvon domoədə hərəkətkardəkəson veyə  fəaliyətışon kardə ta  nezə odəmon vırə və erji zəif və deşmenon vırə zumand nışon bıdə və nəhayətdə jıqo nışon bıdə ki məmləkət xəyli həl nıbə problemonədə dim bə dime və heç qılə ko əncom doe həm mumkin ni.

Həzrət Ayətullah Xamenei məntəğə məsəlon barədə həm votışe:bəpe ıştə  muvğeiyət iyən məntəğədə ıştə vırə və əhəmmiyyət və  çı həğiğətiku ki deşmen İron İslam Respublikaku hisob bardə aqah bıbəmon və ə kəson ki məntəğədə İron İslam Respublika huzuri həxədə na səhihə mətləbon və sıxanon  bəyon kardən həğiğətdə bə deşmenon komək karde holədə hestin.

yolə rəhbəri de Amerkə və Avropa çıcurə dim bə dim be həxədə işarəş karde və votışe:İslamiyə Respublika təcrubəon amerkəvıjon iyən avropavıjon çıcurə rəftoronku veye əmmo tojə təcrubə atom sazışi həxədə və vədəoni ki amerkəvıjon bəpe əncom bədin bə lınqi ji noəşone və ım məsələ həmmə kəsi çəşi vədəy və bəpe de  Amerkəvıjon və navədə bıə cəhbəonədə  rəftor kardeədə çı təcrubəonku istifadə karde.

Həzrət Ayətullah Xamenei votışe:İroni milləti həğiğiyə deşmen Amerkəy və  millət deşmeni zıneədə bə səhv ro nibədoy və əlavəş karde islamiyə nizom intizarış ni ki beynəlxalğə zılmkaron İroni milləti hərəkəton vədə sakit bımando.

İslami inğilabi yolə rəhbəri eyne holədə namə hucumonku əmonədə mandeyu deşmenon ciddiyə surətədə fasilə və sərhədon hifz kardeş ve lozim və zəruriyə koş zınə və əlavəş karde mədəniyə  sərhədon həm bənə  cuğrafiyaiyə sərhədon bə zumand karde iyən muğət be ehtiyociş heste ta deşmen de fəribkarəti və nufuz ım  sərhədonku dənıvardo və bə məmləkəti susyal şəbəkəon iyən mədəniyət nufuz nıkə.

Həzrət Ayətullah Xamenei bə ironi milləti zid şiddətinə sank siyaon təşkil karde həxədə bə amerkəvıjon sıxanon işarə kardeədə votışe:əvon ironi vədə bə hədeəksəriyə hucum dastışon ğandə və əqər millət,ıştə hədeəksəriyə imkanon və ğıvvə cəm kardeədə hərəkət bıkə de ilahiyə fəzl,Amerkə tarixədə həmməysə qonə məğlubiyəti bə ım məmləkət nəsib bəbe.