Ğərni muğavilə barədə iclos qıləy be xəyonətkorə hərəkəte.

İroni xarıci vəzarətxonə sıxənəvot, Məname iclosi qıləy xəyonətkorə hərəkət zınəş be və votışe: ım iclos islam dınyoədə bıhran və Fələstin hədəf-orzo çı yodo bıkarde ijən Fələstin milləti həx-huğuği zay karde bois bəbe.

Seyed Əbbas Mosəvi təkidış ka: jıqo icloson ki sulhi vədə puli pidəş bu hukmən məğlob bəbe.

Əv Amerkə bepilotə təyyarə bə İron təcavuz karde barədə həm votışe: İroni şikayət məktob bə İ Bıə Milləton Təşkilat vığande bıə.

Əv bə Avropa 60 ruj ətomiyə sazışi barədə mıhlət doe barədə təkidış karde ki İron Avropa kişvəron bə kəno de dustə kişvəron bə muzakirə dəvom dodə ta ticari əloğəon zəminə hozzo bıbu.

Əv Beritaniya siyasəton xuxosi U.mman dıyoədə hadisəon barədə həm İnqiltəraş tənğid karde və votışe: məvoji bərqezit bıhran vey ni Beritaniya siyasətçion rəftorədə moşahidə bıdə.

Seyed Əbbas Mosəvi de məntəğə kişvəron muzakirəon barədə həm votışe: Fars dıyo kişvəron bəpe bo muzakirə kardero ıştə nəzər və ğəroli mıəyyən bekon boçi ki jıqonə muzakirəon çımiku bənav İroni tərəfo elan bıə be.

İroni xarıci vəzarətxonə sıxənəvot anti İron koalisiya soxtə barədə Amerkə rəsmi şəxson tojə iddeo barədə həm votışe: İron 15 qılə hamsoyəş heste çən anti İron koalisiya soxtə ya xot bə İroni əleyh tojə sanksiyaon bino karde hiç foydəş ni.