İroni xarıci vəzir: Avropa kişvəron tojə bəyaniyə de ətomiyə sazış həmohənq ni.
İroni xarıci vəzir bə Avropa 3 qılə kişvəron tojə bəyaniyə reaksiya nışoş do iyən məktubi vasitə bə Avropa xarıci siyasi məsol votışe ki ım bəyaniyə de ətomiyə sazış həmohənq ni.
Bə İrrib raporti əsos Muhəmməd Cəvad Zərif ım məktobədə ətomiyə sazışi vədə Avropa ğeyri ğanuni hərəkəton iyən bə ehdemonon əməl nıkarde nımunəonış bə yodış varde iyən bə həminə sazışi madon əsos ətomiyə həmkari bəzi ehdemonon kam bey çı İroni oşko həx-huğuği hisobış karde.
İroni xarıci vəzir ijən bə Avropa tərəfon xətob votışe: ətomiyə sazışi oqəte yeqanəro ımeki həmmə tərəfon həmohənq və bərobər bəştə ehdemonon əməl bekon.
Muhəmməd Cəvad Zərif əlovəş karde: İron pidəşe ətomiyə sazışi çərçivədə ıştə həx-huğuğiku istifodə bıkə və ım roədə siyasi təziğon vədə təslim bəbe.
İroni xarıci vəzir tojədən Twitter mesajədə həm Trampi təhdidon barədə elanış karde: sanqsiya canqi əvəzi vırə purəkə ki, bəlkəm əv ıştən bənə canqe; de İron kırtə canq həm qıləy botilə xiyole boçi kihar kəs ki canqi binoəkə bıbu çəy oxo mıəyyənəkə ni; de təhdid və təhrimi bə i co muzakirə karde ə be ni.
Zinə İroni xarıci vəzarətxonə sıxənəvot Seyed Əbbas Mosəvi həm Avropa ehdemonon əməl nı bey xusosi insteks vədə doe maliyə vədə doe maliyə mexanizmi barədə votışe: ım mexanizm və sistem bəpe İroni ehtiyoci təminəkə bıbu boçi ki İron ıştə ehdemonon kam karde xoto ciddiye.
