Tehroni cumə nımoji xətib:İron islam respublika de mığavimət bə əzəmət rəsə.

Tehroni cumə nımoji xətibi votışe:İroni millət,deşmeni ixtisadiyə təziğon jiyədə ıştə inğilabiku dast penibəqəten və əlavəş karde ısət deşmenon ironi milləti mığavimətiku aqah bən.

Ayətullah İmami Kaşani İroni silahinə ğıvvon tərəfo Bavər 373 nomo bə həvo zid sistemi bə meydon bekarde barədə işarəş karde və votışe: ironi yolə millət həmmə fənonədə ,elmi və hərbi zumandətişon heste.

Tehroni cumə nımoji xətib əlavəş karde dəvardə 40 sorədə İron İslam Respublika ıştə sulh tələbətiş bə dınyo sobotış kardə əmmo Amerkə və çəy domoədə hərəkət kardəkəson ıştə cinayətkarə xosiyətonış bə dınyo sobot kardə.

Ayətullah İmami Kaşani bə Amerkə prezdenti xətob karde holədə votışe: Tramp tı ıştən əbləh hestiş və ıştı əbləh be,bə dınyo nışone doə əmmo İron islam respublika və İroni millət nıtars hestin,İmom və rəhbəri ım nıtarsətiş cıvonon və ironi millət,əhle beyt(ə) roədə hərəkət kardeədə təlimışon doə.