1400 nəfər Ərbəini xarici zaironku Ostoro sərhəddo bə İron daxil bən.
1 həzo 500 nəfər Huseyniyə Ərbəini zaironku Azərbaycan Respublika,Rusiyə və Qurcistaniku Ostoro sərhəddo bə İron daxil bən.
Bə İRNA xəbon əsosi İroni şimal Ostoro sərhəddiyə şəhristanədə Huseyniyə Ərbəini istiğbal komitə məsul şəxs Cəmşid Məhdəvi zinə votışe:dəvardə sori 12 həzo nəfər Huseyniyə Ərbəini xariciyə zaironku Ostoro sərhəddiku bə İron daxil bə bin və jıqo hisobımon kardə ımsor çı zairon ədəd bə 15 həzo nəfər bırəso.
Ostoro sərhəddiyə şəhrestan ironi 3 minnə sərhədde ki çəyo həmməysə ve şe-ome əncom bedə.
ha sor bə 800 həzo nəfəri nezi daxili və xariciyə musafir çı sərhəddiku şe-ome kardən.
Huseyniyə Ərbəini piyodə şemon ki mıslmonon tədbirədə icra bedə Kərbəloədə Ərbəinə ruji bəştə əzəmət iyən şur və həyəcani barzə səth rəsedə və dınyoədə həmməysə yolə qırdbemone.
