Tehron-Boku miyono həmkarion inkişof 2 qılə kişvər iyən məntəğə mənafe təminəkəy.
İroni prezident bə Tehron-Boku miyono bıə muxtəlif baxşonədə həmkarion hevuj bey zərruriyati təkidış karde.
Həsən Ruhani zinə İlham Əliyevi vindemonədə bə Nəm təşkilati iclosi çok dəvoniyə xoto Azərbaycan Respublika səy-cəhdon bə təğdiri loyiğ zınəş be və votışe: 2 qılə kişvəri miyono həmkarion bə çokə erjinə mərhələ varid bıə.
Əv ım muvəffəğiyəti xoto bə mıştərik iğtisodi kamissiyaon rol işorə və təsdiğış karde: sənaye sahədə çokə zəminəon hozzı bıə ki İron əvoni vey karde bəzne.
Həsən Ruhani Kaspi dıyo zərfiyəton çərçivədə bə həmkarion zərruriyati təkid və əlovəş karde: İron-Azərbaycan Respublika miyono dıyo baxşədə xusosi enerji iyən ekoloqiya xoto bo əloğəonro viyə zərfiyəton hestin.
Ruhani bə Tehron-Buko iyən Moskva miyono 3 tərəfi həmkari iyən mıştərik həmohənqion həm təkidış karde.
İroni prezident de İlham Əliyevi rəsmi dəvəti Bokuədə Nəm təşkilati 18 minə iclosədə iştirok karde xoto zinə bə Azərbaycan Respublika səfərış karde; ım iclos ımruj və maştə bərpo bəbe.
