İğtişoş iyən be ğanunə hərəkəton məhkum karde xoto Tehroni milləti yolə aksiya.
Tehroni şəhrvandon iğtişoşçiyon be ğanunə hərəkəton məhkum karde iyən İroni əmniyyət və iğtidori himoyədorəti karde xoto yolə aksiya bərpo bəkan.
Qeneral mayor Husein Səlami(İroni sepah təşkilati fərmondə) ım aksiyaədə nıtğış bəbe.
Həmzəman de benzini ğeyməti isloh karde Noyabrə manqi 15-nə rujiku Tehron iyən bəzi şəhronədə i dastə təlim vində iğtişoşçiyon cəmaəti həxinə aksiyaonku sue-istifodə kardəşone ki nəticədə çandə bank, noxəşxonə və umumi nəğliyot sistemi təchizaton zərər-ziyoni bois be.
Qilan ostanədə həm muxtəlifə şəhrvandon çand ruj bənav deştə yolə aksiyaon iğtişoşçiyon jıqonə xəbisə hərəkətn məhkum kardışone.
Xəbə ome ki iğtişoşəkəyon hətto bə İroni cənub Əsəloyədə bıə natə təsisaton həmlə karde ğəsdışon be ki İroni əmniyyət təşkilaton huşin mande be əsər bıə.
Im iğtişoş be əsər karde xoto çandə İroni kişvəri əmniyyət və oromtəti hifzəkə əsqəron və məmoron həm şəhid bıən.