Terrorizmi icodəkəyon ıştən məntəğə bıhranon amilin.

İroni xarıci vəzarətxonə sıxənəvot, Bəhreynədə bıə tojə iclosədə bə İroni ziیd bəyon bıə ittihamon rəddış karde və əvoni be əsos bə hisobış varde.

Bə İrib raporti əsos Seyed Əbbas Musəvi anti İron bəyon bıə ittihamon barədə votışe: terrorizmi icodəkə kişvəron ki ıştən radikalizmi binə kardəşone, co kişvəron daxıli koonədə mıdoxilə kardən və de muzdoron vasitə məntəğ əmniyyəti bə bod doəşone; çən əvon həxışon ni ıştə məsuliyəti ğəbol karde əvəzi anti İron ittihamon bəyon kon.

Musəvi təkidış karde: de Səudiyə rejimi rəhbərəti bə Yəmən be pənohə millət həmlə karde; stemariyə rəftoron vasitə ğanuni hukuməton məhv karde iyən diktatoriyə kişvəron hakımiyəti peştədə mande hiç faxt dınyo umum iştimaiyəti yodiku məhv ni bəbe.

İroni xarıci vəzarətxonə sıxənəvot ijən bə İroni əleyh ittihamıjə kişvəron bə həğiğəti ğəbol karde, votımon iyən məntəğə həmkarion vanqış karde ta əmniyyət və stabiləti icod bıbu.

Tojədən Bəhreynədə qılə beynəl xalğ siyasi iclosədə Ərəbistoni rəsmi şəxson ijən İroni bə məntəğədə xərobkaranə siyasəton bənav barədə pesoxtə bıə sıxəni mıttəhəm kardışone.