İroni millət Amerkə xəbisə plani məğlub kardışone.

Tehroni milləti əzəmətinə aksiya ki İronədə bıə dəvardə haftəon iğtişoşon məhkum karde xoto bərpo be dınyo mediyaonədə vey reaksiyaon bois bıə.

Əlməyadin kanal qıləy məxsusə raportədə ım yolə qırd bemoni bə deşmən yolə zərbə varid karde çərçivədə bə hisobış varde.

Ələhd rujnomə həm İroni paytəxtədə cəmaəti yolə aksiya islamiyə inğilobiku himoyədorəti karde iyən Amerkə və sionist rejimi qırd planon məğlobəkə zınəş be.

Ğərbi mediyaon həm ki ım yolə mərasimi baykot və şantaj karde xoto bə cəhd bin ijən məcbur mandən ki Tehroni şəhrvandon yolə aksiyaonku film və şikilon nışo bıdən.

Bənə jıqonə təhlilon çı Rusiyə Spotink, Tırkiyə Anadoli, Yonatid Peres, Fransə Aqentiyəti, Frans Peres və İnqiltəra Dilimil rujnomə tərəfo təsdiğ bıə.

Əvon bənə Tehron İroni co qılə şəhronədə jıqo etıraz aksiyaon bərpo bey dəvardə haftədə iğtişoş məhkuməkə iyən ijən İroni nizomvə rəhbəriyətiku himoyədorəti karde nımunə bə hisobışon varde.