İnğilabi yolə rəhbər:İroni millət ijən dıştə əzəmət xətoə fitnəşon nabod karde.

İslami inğilabi yolə rəhbəri,dəvardə 1 haftə mıddətdə İroni yolə milləti əzəmətinə hərəkətiku təşəkkurış karde və votışe:İroni millət de ım hərəkəti,qılə yol və xətoə fitnəqərə hərəkətış ki deşmenon nakonə bərnaməon əsosədə təşkil be,nabodışon karde.

İslami inğilabi yolə rəhbəri,dəvardə 1 haftə mıddətdə İroni yolə milləti əzəmətinə hərəkətiku təşəkkurış karde və votışe:İroni millət de ım hərəkəti,qılə yol və xətoə fitnəqərə hərəkətış ki deşmenon nakonə bərnaməon əsosədə təşkil be,nabodışon karde.

İslami inğilabi yolə rəhbəri Həzrət Ayətullah Xamenei zinə çandə həzo bəsiciyə ğıvvə vindımonədə de  bəsic haftə mınosibəti təbrik voteədə əlavəş karde deşmen tojə təşkil bə fitnəqərə hərəkətonru xəyli xərcış kardə be və qılə fırsəti domoədə bin ta təxribatinə hərəkəton və odəm kışte iyən şərrə hərəkətonədə əy əncom bıdən və təsəvvur kardə bin benzine məsələ çəvon nəzədə bə fırsəte və ıştə ləşkərışon bə meydon daxil karde,əmmo İroni millət dıştə əzəmətinə nımayiş,deşmenon hərəkətışon nabod karde.

Həzrət Ayətullah Xamenei votışe:mıxtəlif şəhronədə İroni əzəmətinə hərəkət bə beynəlxalğə istikbar və sionizmi qəv qıləy zərbə be və əvonış bə domo nışte məcbur karde.

İslami inğilabi yolə rəhbəri,istikbariyə nizomış ,İroni həmmə milləti deşmenış zınə və əlavəş karde bəsic həmonə dəlilon xoto ki millət və məmləkətiyu ve muhimme ,de şiddəti deşmenon fitnəqərə hərəkəton iyən nufuzədə dim bə dime ta ım əzəmətinə hərəkəti,dıləku de problem və bə və bıkə,əlbətdə şək ni ki ım mubarizə və muğabilədə səbarz bəbe.

Həzrət Ayətullah Xamenei navədə bıə təhdidon mevzo və ım ki boçi islamiyə nizom həmmişə de təhdidon dim bə dime işarəş karde və votışe:islamiyə nizom,islamiyə əsoson və erjonku iborəte və islam həm oşkoə sorətədə  ədolət və ozodəti pərçəmdare.

Yolə rəhbəri,Amerkə və Avrupa iyən coqlə məmləkətonədə de ozodi və ədolət istikbariyə nizomon ziddiyətiku bə çan qılə nımonə işarəş karde və əlavəş karde istikbariyə nizom həmmişə de milləton istiğlal muğabiləş kardə və bəy be ehtıromətiş kardə və ım cəhətdə ıştə niyyəton bəyon kardeku heç qılə tarsış ni,jəqo ki Amerkəvıjon oşkoə sorətədə votedən ki Suriyə nati xoto bə foratı şərğ daxil bən və ya ım ki be icazə İrağədə bəştə hərbiyə mərkəz daxil bedən və bə ım məmləkəti devlət və paytəxt heç qılə etıfa kardə nin.

Həzrət Ayətullah Xamenei votışe: bənə bəsic yol və əzəmətinə məcmuə ya bəzi məmləkətonədə bənə ım təşkilat coqlə nımonəon coqlə məcmuəonsə ve istikbariyə nizomi deşmenətion fitnədə dim bə dimin jəqo ki İrağədə Həşdeşəbi və Livanədə de Hizbullah mıxalifət və muğabilə bedə.