Tələbəon ruj:de istikbar mubarizə bardeədə İroni milləti nımonə ruj.

Imruj şanbə azərə manqi 16 minnə ruj(dekabri 7) İron İslam Respublika təğvimədə tələbəon ruj nom noə bə

Imruj şanbə azərə manqi 16 minnə ruj(dekabri 7) İron İslam Respublika təğvimədə tələbəon ruj nom noə bə.

Hicri şəmsi 1332 nə sori azərə manqi 16 minnə ruji bərobər de miladi 1953 nə sori dekabri 7 ironıjə tələbəon ə devrədə Amerkə prezdenti muavin Riçard Niksonı bə İron səfər kardeədə həmzəman İroni daxili koonədə Vaşinqtonı mudaxilə bıkə hərəkəton məhkum kardeyu,Tehroni ali məktəbi vədə aksiyaşon bərpo karde.

Im aksiya pəhləvi vabəstə bə rejimi hərbion hucumədə bə tələbəon şəhodət və yarəjə be bois be.

Pəhləvi rejimi hərbion hucumədə 3 qılə tələbə şəhid və çandə 10 nəfər həm yarəjə bedən.

Tələbəon ruj Amerkə,İroni daxili koonədə mudaxilə kardə siyasəton məhkum kardeyu İroni milləti mubarizəon qıləy devrani bə yod vardə boçimi xoto azərə manqi 16 minnə ruji hadisə İronədə bə tələbəon mubarizəon  şəxsiyyət doeədə məxsusə vırəş heste.