Amerkə sanksiyaon vədə kollektiv hərəkəton bəpe əncom bıbu.

İroni xarıci vəzir votışe: Amerkə bənə noxşon bıə kəson şivə və rəftori vədə ki kişvəron bə sanksiya dənoe barədə muşahidə bıdə bəpe umum iştimaiyəti tərəfo kalektiv muğabiləkə cərəyon təşkil bıbu.

Bə İrna raporti əsos, Muhəmməd Cəvad Zərif bə Amerkə ım bevəcə adəti işorəş karde və votışe: jıqo cərəyoni icod bey xoto bəpe kalektiv iradə və əməl icod bıbu.

İroni xarıci vəzir təkidış karde ki Amerkə ım rəftor ısət bə Vaşenqtoni deşmənon və duston zərbə varid kardedə çən bəpe kalektiv sorətidə əy muğabilə bıbu.

Dəvardə manqonədə Amerkə ıştə mıttəfiğon həm bə sanksiya siyahi əlovəş karde.

Amerkə ome sori hərbi bodcədə Amerkə dıvlət sıvuy İron, Rusiyə, Çin və Şimoli Koreya, Tırkiyə kişvəre iyən Avropa kişvəron həm təhdid bıən.

Amerkə hətto Misr və Hindostani bə çəy xoto ki Rusiyəku silah hıryədən bə sanksiya təhdidış kardə.