Qeneral Ğasım Suleymani pokə cənazə təşi Əhvaz şəhrədə bərpo be.

İslami inğilabi muhafizə korposi Ğuds ğıvvə fərmondə qeneral Ğasım Suleymani və çəy şəhidə həmrəzmon təşi karde mərasim həmzəman İroni cənub ğərb Xozestan ostani mərkəz Əhvaz şəhrədə bərpo be.

İslami inğilabi muhafizə korposi Ğuds ğıvvə fərmondə qeneral Ğasım Suleymani və çəy şəhidə həmrəzmon təşi karde mərasim həmzəman İroni cənub ğərb Xozestan ostani mərkəz Əhvaz şəhrədə bərpo be.

İslami inğilabi muhafizə korposi Ğuds ğıvvə fərmondə qeneral Ğasım Suleymani və İraği Həşduş-şəbi muavin Əbuməhdi Əlmohəndes de 8 nəfəri həmroəti cumə sıb Amerkə mıtəcaviz və terroristiyə ğıvvon həvoiyə hucumədə  İraği Bəğdad şəhri aeroporti neziədə bə şəhodət rəsin.

Bə telerədyo aqentəti xəbon əsosi İroni millət Xozestan ostani mıxtəlif şəhronku ımruj ıştənışon bə Əhvaz rosni ta şəhidə qeneral Əbuməhdi Əlmohəndes və çəvon şəhidə duston təşi mərasimədə iştirak bıkən.

Hırdənon və no perəsə cıvonon,mıxtəlif toyfan,conbozon,şəhidə ailəon çı təşi mərasimi coqlə əzəmətinə nımonəonku be.

İslami inğilabi muhafizə korposi Ğuds ğıvvə fərmondə qeneral Ğasım Suleymani və çəy həmrəzmə şəhidon pokə cənazəon ımruj sıb bə Əhvazı beynəlxalğə aeroport daxil be.

Ğərore ımruj zuhrə vaxti həm mığavimət şəhidon təşi İroni şimal şərğ Məşhəd şəhrədə dınyo şiəyon 8 nə imom həzrət imom Rıza(ə) novraniyə hərəmədə bərpo bıbo.