İroni Silah sanksiyaon sə bin.
İroni xarıci vəzarətxonə de rəsmi bəyoniyə İroni silah sanksiyaon vədə məhdudiyəton sə bey barədə təkidış karde: ımrujnə rujiku İron karde bəzne ehtiyocış bıə harcurnə silah və hərbi təchizaton, har vırəku be məhdudiyət, ğanuni iyən bəştə mudafiyə doktorini əsos təmin ko həmçenin karde bəzne bəştə siyasəton əsos mudafiyə silahon sadir bıko.
Bə İrna raporti əsos ım bəyoniyədə təsdiğ bıə: lmruj bo umum iştimaiyət qıləy muhimmə ruje ki Amerkə səy-cəhdon əks əmniyət şura 2231 ğətnomə iyən ətomiyə muğaviləku himoyədorətiş karde.
Im bəyoniyə dəvomədə əlovə bıə: Bə ətomiyə sazışi qıləy noyəvardəti əsos, silahinə məhdudiyəton iyən musafiron vədə bıə məhdudiyəton ğəti və be şərt bə oxo bərəsın və çəy orəx peydo kardeyro hiç ğətnomə iyən bəyoniyə sadir karde ya xot əmniyət şura tərəfo hiç ko əncom doe lazim ni.
İroni xarıci vəzarətxonə dəvomədə ıştə xarıci siyosəti əsosış harcurnə sultə və fişaron bə kəno əməl karde vəsf iyən əlovə kardışe: harcurnə məhdudiyəton icbor karde hiç faxt İroni tərəfo rəsmi zıney bıdə ni.
Im bəyoniyədə ışarə bıə ki İroni mudafiyə doktorin bə milləti əzəmətinə muğavimət iyən bumi zumandəti ğoim bıə iyən əlove be: İron İslam Respublika bə bumi zərfiyət iyən ğabeliyəti əsos, ıştə mudafiyə ehtiyacon təmin kardeydə, ım doktorin bənə dəvardə həmçenan mudafiyə ğudrəti oqəte çərçivədə İroni həmmə koon və hərəkəton mehvər və əsos bəmande.
Əm bəyoniyə oxoədə ğeyd be: Amerkə ki çəy ğeyri ğanuni xəbisə plan iyən bədxahanə koon Əmniyət Şura ğtnomə poymol karde xoto dəvardə manqonədə çand kərə beynəl-xalğ təşkilaton tərəfo ğeyri ğanuni hisob bıə bəpe 2231 ğtnomə barədə ıştə xərobkaranə rəftoriku dast bıkəşo iyən bə i bıə milləton təşkilati ğanuni əsos bıə rəftoron iyən qiədə bıə ehdımonon oqardo, beynəl-xalğ nəzmi poymol karde ya xot de beynəl-xalğ huğuği bərobər nıbıə koonku bə kəno bıbu iyən Asiya Ğərb məntəğədə be stabiləkə koonku dast bıkəşo.
Qıle holədə ki Amerkə dəvardə manqonədə Əmniyət Şura 2231 ğətnomədə ğeyd bıə İroni silah sanksiyaon mıddəti droz kardero çandə loyehə hozoş kardə be iyən de muxtəlif lobbion pidəş be İroni ım həxi poymol ko əmmo ımrujnə rujiku və ətomiyə sazışi 5-ə sorə qarışədə ım məhduditon avtomatik sə iyən be əsər bin.
