Ruhani: İroni silah sanksiyaon sə bey ğoldorəti vədə əğl iyən həğiğəti səbarzəti simvol be.
İroni prezident zinə dıvlət heyəti iclosədə votışe: Amerkə vey soronədə cəhdış karde ki İroni milləti ıştə həx-huğuğiku məhrum ko əmmo məğlub bıə.
Həsən Ruhani zinə dıvlət kabineti iclosədə təkidış karde: ım ki İron çandə silah hıryedə ya xot bəhvate muhim ni, muhim çı İroni həx-huğuğunin ki bəji bıə.
İroni prezide bə dışmenon məğlubiyət ətomiyə sazışiku co mandə tərəfon xaric bey məcbur karde işarə və əlovəş karde: İroni silah sanksiyaon barədə həm Amerkə tam izolasiya bıə boçi ki Əmniyət Şura həm bə Amerkə iddio be itino be.
Ruhani ətomiyə sazışiku Amerkə xaric bey bəpeşt İroni tədbironış çok və ləyoğətin bə hisobış varde və de İroni vədə Amerkə rəftoron səhv zıney votışe: ım ki Amerkədə ki səbarz bıbu muhim ni, boçi ki səbarzə tərəf ijən İroni milləti vədə təslim bəmanden.
