Pars Today

İron İslam Respublikə prezident, de Fələstini milləti Beynəl-Xəlğə vəhdət ruji mınosibəti, İbıə milləton təşkilati omomi Asambleyaro qıləy mesajıj vığande və Beybəl-Xəlğ ictimayətiku tələbış karde hırdən bıkştə seyoniston əməlon vədə mıborizə bıkən.

İron İslam Respublikə prezident, de Fələstini milləti Beynəl-Xəlğə vəhdət ruji mınosibəti, İbıə milləton təşkilati omomi Asambleyaro qıləy mesajıj vığande və Beybəl-Xəlğ ictimayətiku tələbış karde hırdən bıkştə seyoniston əməlon vədə mıborizə bıkən.

Bə İrna xəbəon əsos həmzəman de Fələstini milləti Beynəl-Xəlğə vəhdət ruji mınosibəti, zınə qıləy mərosim, Neyuyurkədə İbıə milləton təşkilati uzvbıə məmləkəton nımuyəndə iştrak kardeədə bərpo be.

İron İsalm Respublikə prezident Həsən Ruhani zinə İbıə milləton təşkilati omomi Asambleyaro qıləy mesajəd votışe:

Nuyabri 29 nə ruj təcavuz kardə seonist rejimi tərəfo 70 sorisə ve Fələstini sərzəminon işğal karde bə yod vardə iyən Fələstini milləti be intıvoə dard və əzobon və Fələstin i məzlomə milləti həxədə zılm və be ədoləti dəvom doe əlovəş karde ha ruj çı rejimi tərəfo bə təcavoz ka və erğçiyə siyasəton ve be.

Men Cumlə məntəğəon bə işğal bıə ərazion əlovə karde iyən Fələstini məzlomə milləti bə şəhodət rusniye, bə Ğəzzə milləti ələyh bə insoni zizz sanqsiyaon dəvom əv həm kruna virosi pandemiya şərayetədə və əvoni tib və səhiyyə ehtiyacon və koməkonku məhrum kardeye.

Prezident Ruhani 5 milyon Fələstiniji avarəti dəvom, İ Ordan ru ğərbiyə baxş iyən Şərqi Beytullmığəddəsdə mikrorəyon soxteədə işğalqərəti ve karde, Fələstinıjon tomi dəvosne və Ğəzzə məntəğə zılminə sorətədə mohasirə karde men cumlə Fələstini işğal karde ğəmqinə nəticonış zınə və əlovəş karde:

Şərifə Ğudsi yəhodi kardeyo seonist rejimi cəhdon iyən Fələstinıjon huğuği darışte qıləy holədə təşkil bedə ki, məntəğə vəziyəti veyə mığdorədə mirurəyon soxte və ğeyre yəhodion məcbori sorətədəbeğande ədə veyə xətoədə cəhətonış qətə.

Prezident Ruhani ım mesaji dəvomədə işarəş karde ki, seonist rejimi siyasət həyğətədə Beytullmığəddəsi yəhodi karde və çəy tarixi və İslomiyə nışonəon xərob kardeədə həmə Fələstiniyə ərazion bə çanq qəte və Fələstinıjon oqarde həxi vədə mane icod kardeyo bə. Və ijən ın rejimi erğçiyə niyyət, Fələstini sərzəminon işğali dəvomədə və bə çəvon oşkuə həxon əhəmiyət nıdoeədə ıştəni nışon dodə.

İron İslam Respublikəprezident votışe:

İron İslam Respublikə vovəş heste ki, ın hərəkəton nə ım ki, işğali sərzəminonədə bə vəziyəti bevəc be bois bəbe bəlkəm məntəğə və Beynəl-Xəlğ səviyədə bə əmniyəti problemon ve be bois bəbe.

Prezident Ruhani əlovəş karde seonist rejim, əmniyət şurə daimə uzvun bəzi məmləkəton himuyəku bəhrə bardeədə ha ruj bə Fələstinjon zidd ıştə ğeyre insoniyə hərəkəton ve kardeədə və Asiyə Ğərb məntəğədə təcavoz karə siyasəton iyən hərəkətonəd, men cumlə bə Suriyə və Livani təcavoz kardeədə iyən cəmi ğır bıkə silahon sirri sorətədə istehsol kardeədə, məntəğə həmə vıranədə sulh və əmniyətış de xəto dimbə dim kardə.

İron İslam Respuiblikə prezident əlovəş karde İron İslam Respublikə, Fələstini milləti insonə hədəfon və ım milləti runeyo həmə cəhətonədə bəştə himuyəon dəvom iyən seonist rejimi təcavoz və işğalqərətion vədə bə çəvon mığoviməti ehtırom kardeədə, Beynəl-Xəlğ ictimayətiku tələbış karde ın hırdn bıkştə rejimi hərəkətonədə ki, insonə həxon ləğv kardə və İbıə miləton təşkiloti veyə ğətnaməonış bə lnqi jiyo noə, mıborizə dəvonon.

Prezident Ruhani əlovəş karde İron İslam Respublikə, seonist tojə hərəkəton çı rejimi zindonədə bə Fələstinıjon kışte və zindoniyon xususi jenon və hırdanon işkəncə doe iyən tojə sərzəminon işğal və əsri mığovilə nomo bıə plan və Ğəzzəh muhasirə dəvom pəydo karde iyən İslomiyə məmləkəton və Beynəl-Xəlğə ictimayəton təciliyə hərəkəton zərorət ım zılminə muhasirə oxo doeyo, Fələstini məsələ həl karde nə ım inki, de ım ğeyre ğanuni rejimi rabitə bərğərul kardeədə hozo nibəkay bəlkəm İslamiyə məmləkəton və Beynə-Xəlğə ictimayəton vəhdət təşkil doeədə iyən xidiyə hərəkəton ım rejimi təcavoz karə siyasəton və bə insonə həxon zid fəaliyətonədə zınedəy.