Pars Today

İroni prezident deştə çand qılə vəziron bə ico, Tehroədə Plasko nomo ticariyə bino xərobəonku ijən imdodiyə əməliyatonku diyəşon kardə.

İroni prezident, Həsən Ruhani ımrujnə sıbi faxtədə, Tehroədə Plasko nomo ticariyə bino xərobəonku iyən imdodiyə əməliyatonku diyə karde cərəyanədə həminə hadisəku ıştə təəssufətiş elanış kardə ijən təkidış kardə ki,bina xərobəon ijən rijiyə çiyon peqəte və otəş okıştəkəson xılos karde əməliyaton bəpe de surəti dəvom pəydo bıkə.

Ruhani təkid kardə ki, ım hadisə zərəl və ziyani cubran karde ijən Tehroni co kanə binoon təmir karde lozime.

Yanvari 19-ədə Tehroədə bıə Plasko nomo ticariyə bino otəş qəte bəpeştə, im bino bə ikərə rıjiyə be və çanə otəş okıştə məmuron ki əyo bə cəmaət komək karde holədə bən, xərobəon jiədə qiriftor bey boys be.

Qıle halədə ki elan be ki 3 qılə çı fidokorə otəş okıştə məmuron pokə cənozə pəydo kardəşone, əmmo bə 20 nəfər nezi otəş okıştə məmuron hələ rijiyə binon jintonədə hestin.