Pars Today

İroni kişvəei vəzir votışe: çı Plasko bina otəş qəte hadisə i-nə illət elektrik texnikiyə problemon be.

Bə İrib raporti əsos, İroni kişvəri vəzir jurnaliston cəmədə bə İroni millət otəş okıştə məmuron bə rəhmət şe hadisə sə bıə səlomətəti votışe iyən elan kardə: i minə məsələ ki de tosə bə ısət bə dast omə və təhğiğun bə peşt məlum be, elektrik texnikiyə problemon xoto bina otəş qəte heste.

Reza Rəhmani Fəzli təkid kardə ki, Plasko bina xərobəon kamilən cəm karde və peqəte bəpeştə təhğiğun dəvom pəydo bəkay.

Əmmo bə tojə xəbon əsos, 9 ruj xərobəon jıntonədə qarde bə peştə, zinə çın hadisədə həmməy bə rəhmət şə otəş okıştə məmuron pokə cinozə pəydo bən.

De tərtibi, Pelasko bina rıjiye bə peştə, 16 qılə otəş okıştə məmuron de təəssufi xərobəon jıntonədə bə rəhmət şən ijən de tosə bə ısət 5 qılə addiyə şahrvandi cinozəon həm pəydo be.

Çın bina rijon və xərobəonku 95 fayizi peğətəşone və ğasbu ımruj həmonə xilos və nicot əməliyat bə oxo bırəsi.

Tehronədə Plasko tıcariyə 16 təbəğə bina, Yanvari 19-ədə otəş qəte bə peştə kamilən rıjniyə be ijən İroni milləti vey norohətış kardə.